ГалоўнаяНавіныНавіны бібліятэк
Візіт парламенцкай дэлегацыі Туркменістана
Сустрэча міністраў культуры Беларусі і Сірыі

Прыдняпроўя звонкія галасы

Прыдняпроўя звонкія галасы
Іншыя навіны

У Магілёўскай абласной бібліятэцы адбыўся вечар-сустрэча "Прыдняпроўя звонкія галасы", прысвечаны 50-годдзю з моманту стварэння Магілёўскага абласнога аддзялення Саюза пісьменнікаў Беларусі.


Сустрэча праведзена сумесна з кіраўніцтвам абласнога аддзялення Саюза пісьменнікаў 20 красавіка ў рамках пасяджэння гісторыка-краязнаўчага клуба "Спадчына", які дзейнічае пры аддзеле беларускай і краязнаўчай літаратуры бібліятэкі. На сустрэчу завіталі журналісты, удзельнікі літаратурных аб’яднанняў горада, студэнцкая моладзь.

Прысутным быў прапанаваны экскурс у гісторыю абласнога аддзялення пісьменніцкага саюза, які арганічна дапаўняла мультымедыйная прэзентацыя, падрыхтаваная супрацоўнікамі аддзела інфармацыйных рэсурсаў. Госці мерапрыемства пазнаёміліся з жыццёвым і творчым шляхам паэтаў і празаікаў: П.П. Шасцерыкова, В.І. Матэвушава, А.В. Пысіна, І.І. Аношкіна, У.У. Дуктава, якія ў розныя гады ўзначальвалі абласное аддзяленне, а таксама пісьменнікаў, якія зараз складаюць ядро аб’яднання.

Аб сучасным літаратурным жыцці Магілёўшчыны расказаў кіраўнік абласнога аддзялення Уладзімір Уладзіміравіч Дуктаў. Празаік А.І. Церахаў пазнаёміў прысутных са сваімі творчымі планамі і гісторыяй стварэння апавяданняў. Усім спадабаліся вершы В.І. Кунцэвіча ў аўтарскім выкананні. Сатырык М.І. Падабед распавёў аб тым, як нараджаюцца гумарэскі і прачытаў адну з іх.

На кніжнай выстаўцы "Магілёўшчына літаратурная" былі прадстаўлены калектыўныя зборнікі магілёўскіх аўтараў, надрукаваныя ў розныя гады (з 1949 па 2009), творы кіраўнікоў абласнога аддзялення Саюза пісьменнікаў, тых, хто зараз уваходзіць у яго склад, а таксама творчасць маладых паэтаў і празаікаў Магілёўшчыны.

Ад імя бібліятэкі вядучыя павіншавалі прадстаўнікоў Магілёўскага абласнога аддзялення грамадскага аб’яднання "Саюз пісьменнікаў Беларусі" са знамянальнай падзеяй і выказалі надзею на далейшае плённае супрацоўніцтва.

Крыніца: Магілёўская абласная бібліятэка імя У.І. Леніна
Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

30 сакавіка 1945 года. 41 дзень да Перамогі

30 Сак 2020

Узяцце Данцыга (Гданьска) і лісты-падзякі з Польскай рэспублікі. Падрыхтоўка тарфянікаў да сезону. Папаўненне ў Беларускім дзяржаўным музеі гісторыі Вялікай Айчыннай вайны. Дыспут у чытальнай зале бібліятэкі Дома партыйнай асветы. Газеты: “Звязда” (№№ 58, 59), “Советская Белоруссия” (№№ 57, 58, 60), “Совецкая радзіма” (№ 49).

Праект “100 дзён да Вялікай Перамогі. Па старонках беларускіх газет 1945 г.”

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

111