ГалоўнаяНавіныНавіны бібліятэк
Экранны дайджэст. Новыя старонкі класікі
Як імёны класікаў уплываюць на лёс бібліятэк?

Прэзентацыя “Таямніц Мірскага замка”

Прэзентацыя “Таямніц Мірскага замка”
Іншыя навіны

У г.п. Мір святкуюць першую гадавіну адкрыцця замкавага комплексу. З гэтай нагоды адбыўся святочны канцэрт, а таксама прэзентацыя кнігі Анатоля Бутэвіча “Таямніцы Мірскага замка. Падарожжа па сівых мурах з Адамам Міцкевічам”.


Напярэдадні прэзентацыі аўтар кнігі – пісьменнік, краязнаўца і журналіст Анатоль Бутэвіч – расказаў “Звяздзе” пра новае выданне.

– Мірскі замак ужо адчынены, але кніг пра яго сёння няма ніякіх, за выключэннем буклетаў і паштовак, – шкадуе Анатоль Іванавіч. – Звычайна ў такіх выпадках патрэбны кнігі на любы густ – і для дзяцей, і для дарослых, і для турыстаў: сваіх і замежных. І ў Вільнюсе, і ў Кракаве, і ў Варшаве – дзясяткі кніг пра гэтыя гарады і іх замкі. Таму зусім несправядліва, што Мірскі замак заставаўся трохі абдзелены ўвагай.

Але мая кніга не толькі пра замак, але і пра сам Мір. Мы чамусьці забыліся, што Мір да сярэдзіны мінулага стагоддзя быў горадам. Па-другое, з Мірам звязаны такія гістарычныя падзеі, якія патрабуюць асобных кніжак. Напрыклад, мы таксама забыліся пра тое, што ў гады ВКЛ Мір быў цыганскай сталіцай. Пра гэта ў кнізе я трошкі пішу. У той час, калі ў Нясвіжы жыў наш “беларускі барон Мюнхгаўзен” князь Караль Станіслаў Радзівіл, якога звалі Пане Каханку, у Міры “княжыў” цыганскі кароль Ян Марцінкевіч – там была яго рэзідэнцыя. Чаго толькі не вынаходзілі гэтыя незвычайныя асобы!

Варта згадаць і вядомую на ўсю Еўропу Мірскую яўбрэйскую акадэмію ешыву (ешыбот), што існавала з 1815 года. Тут спасцігалі рэлігійныя прамудрасці каля 250 юнакоў з Англіі, Германіі, Швецыі, Даніі, Галандыі, нават з Амерыкі і Канады.

З Мірскім замкам звязаны выдатныя (і часам дзіўнаватыя) асобы. Сярод іх – арап (як я назваў яго) князя Святаполк-Мірскага. Прывезены з Цэйлона ў Мір, гэты замежны служка быў ахрышчаны з Джона на Івана (князь быў яго хросным бацькам). Чалавек цікавы, але лёс трагічны: памёр ад запалення крыві пасля ўкусу ваўка, якога князь Святаполк-Мірскі трымаў у звярынцы.

Другая выдатная асоба – Васіль Іванавіч Святаполк-Мірскі. Ён прыехаў з Амерыкі і жыў у замку. З ім звязана столькі прыгод, што хопіць не на адну кнігу. А пра некаторыя з іх – у кнізе “Таямніцы Мірскага замка”.

Будзе цудоўна, калі і далей мы з вамі будзем чытаць новыя кнігі пра Мір і пра Мірскі замак. Той матэрыял, да якога я дакрануўся, – толькі маленькая часцінка з таго, што можна пісаць. З Мірам звязана вельмі многа старонак, а колькі легендаў атуляе замкавыя сцены!..

– Чаму ў падзагалоўку кнігі вы згадваеце А. Міцкевіча?
– Кніга была ўжо амаль гатова, калі для сябе я нечакана адкрыў, што замак Гарэшкаў з паэмы “Пан Тадэвуш” Адама Міцкевіча – гэта апісанне нашага Мірскага замка. Хоць слова “Мір” там няма, але досыць перачытаць паэму яшчэ раз, каб пераканацца, што замак, апісаны ў паэме, – Мірскі. Напісаў А. Міцкевіч і пра шматлікіх гаспадароў Нясвіжскага і Мірскага замкаў – князёў Радзівілаў. Толькі ўявіце, колькі яшчэ таямніц тоіць у сабе Мірскі замак!

Кнігу пра Мірскі замак я лічу пачаткам. Цяпер па заказе выдавецтва “Літаратура і мастацтва” збіраю матэрыял для чарговай кнігі – пра Нясвіж. Папярэдняя назва: “Нясвіж вядомы і невядомы. Падарожжа ўглыб стагоддзяў з Уладзіславам Сыракомлем”.

Крыніца: газета “Звязда”

Навіны

Беларускія кнігі перададзены ў Эстонію

24 Вер 2020

У рамках дабрачыннай акцыі “Пра Беларусь – беларусам замежжа” пры дапамозе Пасольства Рэспублікі Беларусь у Рэспубліцы Эстонія нацыянальна-культурным аб’яднанням гэтай краіны перададзена ў дар больш за 150 асобнікаў беларускіх выданняў.

Навіны Нацыянальнай бібліятэкі Беларусі

Размова з адвакатам аб ільготах і дапамозе маладым і шматдзетным сем’ям

23 Вер 2020

20 верасня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Маладыя і шматдзетныя сем’і: ільготы і дапамога”.

Навіны Нацыянальнай бібліятэкі Беларусі

24 верасня – 105 гадоў з дня нараджэння Габрыелі Пузыны, пісьменніцы, мемуарысткі, аўтара зборнікаў вершаў, апавяданняў, драм, камедый, успамінаў

24 Вер 2020

Постаць Альбіны Габрыелі Пузыны (1815–1869), адметная яркай творчай індывідуальнасцю, своеасаблівым мастацкім бачаннем свету, вылучаецца на фоне літаратурнага працэсу сярэдзіны XIX ст., робіць яго больш багатым, цікавым і разнастайным.

Па старонках беларускага календара

Новае краязнаўчае электроннае выданне бібліятэкі

22 Вер 2020

Выйшаў у свет чарговы кампакт-дыск з шэрагу электронных выданняў Нацыянальнай бібліятэкі Беларусі, якія знаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі.

Навіны Нацыянальнай бібліятэкі Беларусі

24 Вер 2020

У многіх аўтараў час ад часу запытваюцца пра тое, якім быў іх першы верш, як яны яго пісалі і чаму ўвогуле вырашылі напісаць. Можна лічыць, што момант, калі паэзія ўваходзіць у жыццё чалавека, становіцца вызначальным для далейшага шляху, у пэўным сэнсе прадказвае творчы лёс. Але, здаецца, далёка не для ўсіх момант напісання першага верша варта лічыць нечым значным.

Навіны бібліятэк

22 Вер 2020

Сёлета Нацыянальная  літаратурная прэмія  ў намінацыі “Літаратурная крытыка і літаратуразнаўства” была прысуджана  Івану Саверчанку за кнігу  “Магія слова. Беларускія пісьменнікі ХІІ–ХVII стагоддзяў: эсэ”.

Навіны бібліятэк

21 Вер 2020

Мінулы тыдзень у нашай краіне прайшоў пад эгідай правядзення агульнарэспубліканскага Дня бібліятэк. Насамрэч, бібліятэчная справа ў культурным кантэксце і пасёння застаецца важкай і патрэбнай.

Навіны бібліятэк

Маргарыта Латышкевіч: Люблю марыць, а часам і падурэць

23 Вер 2020

Яна – паэтка, пісьменніца, даследчыца, фалькларыстка, аўтарка шэрагу кніг («Яблыкі», «Наш дом», «Там, дзе сэрца»), а да таго ж лаўрэатка Нацыянальнай літаратурнай прэміі. Але гэта ўсё фармальнасці, бо ў яе творах вы акуняцеся ў магію і шчырасць у розных формах, жанрах і відах. Дзе шукаць беларускую міфалогію, як выйсці за межы кнігі, расказала суразмоўніца.

Навіны бібліятэк

111