19 красавіка ў Цэнтральнай навуковай бібліятэцы НАН Беларусі адбудзецца прэзентацыя навуковага выдання “Археологическое наследие Беларуси”, а таксама іншых найноўшых даследаванняў археолагаў Інстытута гісторыі.
Да імпрэзы арганізавана выстаўка “Археалогія Беларусі: вытокі і сучаснасць” з 2-х раздзелаў:
1. Кніжная і дакументальная экспазіцыя “Археалогія ад першабытнага да Новага часу”. На ёй прадстаўлены выданні і дакументы з фондаў Цэнтральнай навуковай бібліятэкі імя Якуба Коласа НАН Беларусі і Архіва навуковай археалагічнай дакументацыі Інстытута гісторыі НАН Беларусі, у якіх адлюстраваны этапы станаўлення беларускай археалогіі як самастойнай галіны навукі.
2. Экспазіцыя “Новыя археалагічныя артэфакты” (з фондаў археалагічнага музея Інстытута гісторыі НАН Беларусі), на якой упершыню будуць прадстаўлены археалагічныя артэфакты розных эпох, якія знойдзены археолагамі пад час даследаванняў на тэрыторыі Беларусі ў 2011 г.
У імпрэзе прымуць удзел вучоныя НАН Беларусі, выкладчыкі вузаў, прадстаўнікі музеяў буйнейшых бібліятэк г. Мінска.
Мерапрыемства ладзіцца а 15-й гадзіне ў Цэнтральнай навуковай бібліятэцы імя Якуба Коласа НАН Беларусі (вул. Сурганава, 15, інфармацыйна-выставачны цэнтр, пакой 110).
Крыніца: Цэнтральная навуковая бібліятэка імя Якуба Коласа НАН Беларусі
