ГалоўнаяНавіныНавіны бібліятэк
Букер-2019 атрымалі дзве пісьменніцы за раманы пра жаночую долю
“І радасць, і турботы, і святло…”

Прэзентацыя кнігі беларускага пісьменніка на Украіне

Прэзентацыя кнігі беларускага пісьменніка на Украіне
Іншыя навіны

8 кастрычніка на радзіме вялікага Каменяра ў дзяржаўным гісторыка-культурным запаведніку “Нагуевічы” (Львоўская вобл., Украіна) адбылася прэзентацыя кнігі беларускага пісьменніка і гісторыка Юрыя Кур’яновіча “Пятро Франко. Авіятар, хімік, літаратар” – першага беларускамоўнага выдання пра аднаго з выдатных прадстаўнікоў галіцкай інтэлігенцыі і адданага сына ўкраінскага народа Пятра Франко (1890–1941).

Акрамя нарысу пра яго жыццё і дзейнасць у выданні змешчаны асобныя літаратурныя творы П. Франко, у тым ліку яго ўспаміны пра бацьку “Іван Франко зблізу”. Цалкам па-беларуску яны друкуюцца ўпершыню. Пераклад зроблены аўтарам, які з’яўляецца першым перакладчыкам твораў П. Франко на беларускую. Месца для прэзентацыі было выбрана не выпадкова. Пятро Франко быў трэцім, малодшым сынам вялікага Івана Франко і адзіным з яго дзяцей, хто нарадзіўся там, дзе іх бацька, – у вёсцы Нагуевічы Драгобыцкага павета на Львоўшчыне.

На прэзентацыі прысутнічалі прадстаўнікі мясцовай улады і вядомыя грамадска-культурныя дзеячы, сярод якіх: перакладчык беларускай паэзіі, паэт і літаратуразнаўца Міхайла Шалата (укр. Михайло Йосипович Шалата) – член Нацыянальнага саюза пісьменнікаў Украіны, прафесар кафедры ўкраінскай літаратуры і тэорыі літаратуры філалагічнага факультэта Драгобыцкага дзяржаўнага педагагічнага ўніверсітэта імя Івана Франко; публіцыст, паэт, краязнаўца, літаратуразнаўца, член Нацыянальнага саюза пісьменнікаў Украіны Раман Пастух (укр. Роман Іванович Пастух); дэкан гістарычнага факультэта Драгобыцкага дзяржаўнага педагагічнага ўніверсітэта імя Івана Франка, прафесар Леанід Цімашэнка (укр. Леонід Володимирович Тимошенко); доктар філалагічных навук, прафесар кафедры сусветнай літаратуры і славістыкі філалагічнага факультэта Драгобыцкага дзяржаўнага педагагічнага ўніверсітэта імя Івана Франка Галіна Сабат (укр. Галина Петрівна Сабат); дырэктар бібліятэкі Дрогобыцкага дзяржаўнага педагагічнага ўніверсітэта імя Івана Франка Ігар Разлуцкі (укр. Ігор Миколайович Розлуцький); грамадская дзяячка, ідэйная натхняльніца кніжна-літаратурнага фестывалю “Трускавецкі літфэст” Ганна Літвін (укр. Анна Литвин) і інш.

Выступоўцы адзначылі, што беларуская кніга Ю. Кур’яновіча пра П. Франко з’яўляецца падзеяй ў франказнаўстве і будзе спрыяць узмацненню ўкраінска-беларускіх культурных сувязей.

Матэрыял прадастаўлены Ю. Кур’яновічам спецыяльна для інтэрнэт-партала НББ.

Навіны

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

Больш, чым пісьменнік: адкрылася выстаўка “Княства вобразаў і слоў” (+ відэа)

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

У бібліятэцы прайшло пасяджэнне калегій міністэрстваў культуры Беларусі і Расіі

27 Ліс 2020

26 лістапада ў Нацыянальнай бібліятэцы Беларусі адбылося сумеснае пасяджэнне калегій Міністэрства культуры Рэспублікі Беларусь і Міністэрства культуры Расійскай Федэрацыі.

Навіны Нацыянальнай бібліятэкі Беларусі

#BelBookChallenge 2020 – на старт!

27 Ліс 2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 лютага ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Навіны Нацыянальнай бібліятэкі Беларусі

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

25 Ліс 2020

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

Навіны Нацыянальнай бібліятэкі Беларусі

111