Магілёўская абласная бібліятэка імя У.І. Леніна запрашае ўсіх жадаючых наведаць віртуальную выстаўку “Праўдалюбец Бацькаўшчыны", прысвечаную 85-годдзю з дня нараджэння Алеся Адамовіча.
Алесь Адамовіч – значная постаць у беларускай літаратуры і культуры другой паловы мінулага стагоддзя. 3 верасня вядомаму беларускаму пісьменніку і грамадскаму дзеячу, які адкрываў праўду пра вайну і наступствы Чарнобыля, споўнілася б 85 гадоў.
Супрацоўнікі аддзела інфармацыйных рэсурсаў да юбілею пісьменніка падрыхтавалі віртуальную выстаўку "Праўдалюбец Бацькаўшчыны", якая створана ў рамках бібліятэчнага праекта "Чытаем па-беларуску".
А.М. Адамовіч з’яўляецца аўтарам дзясяткаў мастацкіх кніг і навуковых прац. Па яго творах пастаўлены тэатральныя спектаклі, створаны радыёпастаноўкі, зняты мастацкія фільмы. Найбольш вядомыя творы: "Хатынская аповесць", "Я з вогненнай вёскі…" (з Я. Брылём, У. Калеснікам). Разам з Э. Клімавым ім быў напісаны сцэнарый да знакамітага фільма "Ідзі і глязі".
Лiтаратуразнаўчыя працы крытыка Адамовiча, мастацкія творы пісьменніка, публіцыстыка і кінастужкі трыбуна і праўдалюбца занялі сваё належнае, самае што ні ёсць ганаровае месца ў гісторыі Беларусі. Сваёй літаратурнай творчасцю і грамадскай дзейнасцю ён сцвярджаў прыярытэт агульначалавечых каштоўнасцей і захавання духоўна-культурнай спадчыны беларусаў.
Наведвальнікі віртуальнай выстаўкі змогуць азнаёміцца з асноўнымі вехамі жыцця і творчасці Алеся Адамовіча, фотаздымкамі, дакументамі і матэрыяламі з фонду бібліятэкі.
Крыніца: Магілёўская абласная бібліятэка імя У.І. Леніна
Чытайце таксама пра віртуальныя выстаўкі бібліятэкі, прысвечаныя краязнаўству і знакамітым дзеячам гісторыі і культуры:
- Янка Купала і Якуб Колас у творчасці пісьменнікаў Магілёўшчыны (да 130-годдзя з дня нараджэння народных паэтаў Беларусі)
- Муза Серебряного века (да 120-годдзя з дня нараджэння Марыны Цвятаевай)
- У віры імклівага жыцця (да 110-годдзя з дня нараджэння Міхася Зарэцкага/Міхаіла Яфімавіча Касянкова)
- Рэаліі жыцця Максіма Танка (да 100-годдзя з дня нараджэння Максіма Танка /Яўгена Іванавіча Скурко)
- Святло паэзіі Максіма Багдановіча (да 120-годдзя з дня нараджэння Максіма Адамавіча Багдановіча)
- Многогранный ученый Отто Юльевич Шмидт (да 120-годдзя з дня нараджэння Ота Юльевіча Шміта)
- Пісьменнік. Рэдактар. Чалавек (да 60-годдзя з дня нараджэння Міхаіла Паўлавіча Пазнякова)
- Писатель огненных лет (да 95-годдзя з дня нараджэння Канстанціна Міхайлавіча Сіманава)
- Он писал историю народа (да100-годдзя з дня смерці Льва Мікалаевіча Талстога)
- Паэт слова (да 90-годдзя з дня нараджэння Аляксея Васільевіча Пысіна)
- Чехов… Величайший мастер слова (да 150-годдзя з дня нараджэння Антона Паўлавіча Чэхава)
- Биографии знаменитых людей
- «ЖЗЛ» – летопись столетий
- Ганаровыя грамадзяне горада Магілёва
- Возвращенное наследие
- Мая Радзіма Беларусь