ГалоўнаяНавіныНавіны бібліятэк
Падведзены вынікі акцыі "Прачытай кнігу аб вайне"
Выстаўка святочнага плаката “З Новым годам!”

Помнік Уладзіміру Караткевічу з'явіцца да канца года ў Кіеве

Помнік Уладзіміру Караткевічу з'явіцца да канца года ў Кіеве
Іншыя навіны

Двухметровы помнік класіку беларускай літаратуры У. Караткевічу будзе пастаўлены ў Кіеве на вуліцы М. Кацюбінскага.


Манумент ужо гатовы і адпраўлены ва ўкраінскую сталіцу.

Над бронзавым помнікам на працягу года працавалі два беларускія скульптары – Алег Варвашэня і Канстанцін Селіханаў. Гэтыя майстры выйгралі конкурс на стварэнне помніка, які праводзіла Міністэрства культуры Беларусі.

Як расказаў Алег Варвашеня, манумент уяўляе сабой постаць Караткевіча, які трымае рукі ў кішэнях паліто. На галаве яго красуецца берэт. Уладзімір Караткевіч стаіць на фоне разгорнутай кнігі, адну яе старонку ўпрыгожваюць вершы класіка на беларускай і ўкраінскай мовах. Вышыня постаці Караткевіча – 2,3 м, вышыня кнігі – каля 3,4 м. Плануецца, што помнік будзе ўсталяваны да канца снежня бягучага года на вуліцы М. Кацюбінскага (Шаўчэнкаўскі раён), недалёка ад Пасольства Беларусі ва Украіне. У лістападзе мінулага года ў Кіеве адбылася закладка памятнага каменя на месцы ўзвядзення манумента.

Уладзімір Караткевіч, якому ў 2010 г. споўнілася б 80 гадоў, стаў першым беларускім пісьменнікам, які звярнуўся да жанру гістарычнага дэтэктыва. За раман “Чорны замак Альшанскi” ён удастоены Дзяржаўнай прэміі БССР імя Якуба Коласа. У. Караткевіч з’яўляецца лаўрэатам Літаратурнай прэміі імя І. Мележа Саюза пісьменнікаў БССР за раман “Нельга забыць”, узнагароджаны ордэнам Дружбы народаў. За майстэрства напісання і глыбіню праграмнымі для вывучэння ў школе сталі “Каласы пад сярпом тваiм”, “Дзiкае паляванне караля Стаха”, “Хрыстос прызямліўся ў Гароднi”, “Сiвая легенда”. Шматлікія творы Уладзіміра Караткевіча атрымалі другое жыццё ў кінематографе.

З Кіевам Уладзіміра Караткевіча звязвала многае: ён скончыў філалагічны факультэт Кіеўскага ўніверсітэта, працаваў у адной з украінскіх школ, а таксама добра ведаў украінскую літаратуру і быў знаёмы з шэрагам літаратараў.

Крыніца: Tut.by

Чытайце таксама:

Навіны

Чараўніцтва для чайнікаў: навошта адаптуюць класічныя казкі і дзе чытаць некласічныя

22 Кас 2020

З тых часоў, як чалавек навучыўся складаць гукі ў словы, а словы – у сказы, свет навокал пачаў імкліва абрастаць казкамі. Чароўнымі гісторыямі тлумачылі ўсё, што пужала сваёй нязведанасцю – змену часоў года, нараджэнне, смерць, колер птушынага пер’я і з’яўленне агню. Што ж з імі цяпер? Іх спасцігла доля нястрымнай адаптацыі. Старыя казкі перапісваюцца на новы лад, іх матывы ўплятаюцца ў іншыя гісторыі. Як гэта робіцца, а галоўнае – навошта? Давайце зірнём на гісторыю адаптацыі казачнай класікі.

Блог прафесійнага чытача

Сугучча

22 Кас 2020

З 22 кастрычніка на 3-м паверсе кальцавога калідора працуе выстаўка “Сугучча”, арганізаваная Нацыянальнай бібліятэкай Беларусі сумесна з Выдавецкім домам “Звязда”.

Кніжныя выстаўкі

Скарыназнаўства ў Францыі

21 Кас 2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Навіны Нацыянальнай бібліятэкі Беларусі

21 Кас 2020

Як шмат пытанняў выклікае спалучэнне слоў «беларуская мова»… А колькі ж гадоў гэтай мове? Можа, яе прыдумалі пісьменнікі пачатку ХХ стагоддзя? А ці самастойная гэтая мова? Адкуль яна з’явілася і хто на ёй размаўляў? Ці захаваліся старажытныя тэксты на гэтай мове?.. Даём слова вядучаму навуковаму супрацоўніку Інстытута мовазнаўства імя Якуба Коласа НАН Беларусі, кандыдату філалагічных навук Ірыне Будзько.

Навіны бібліятэк

Апублікавана праграма VII Міжнароднага кангрэса "Бібліятэка як феномен культуры"

20 Кас 2020

Запрашаем азнаёміцца з праграмай VII Міжнароднага кангрэса "Бібліятэка як феномен культуры", арганізаванага Нацыянальнай бібліятэкай Беларусі.

Навіны Нацыянальнай бібліятэкі Беларусі

111