Конкурс ладзіцца ў межах Рэспубліканскага літаратурнага форуму “Багдановіч” – сумеснай акцыі Рэспубліканскай канфедэрацыі прадпрымальніцтва і Саюза пісьменнікаў Беларусі.
Агульныя палажэнні
Мэта: папулярызацыя літаратурнай спадчыны Беларусі.
Задачы: актывізацыя ініцыятывы творчых асоб у сферы літаратуры, пашырэнне магчымасцей для самарэалізацыі, выяўленне і падтрымка новых талентаў, развіццё творчага патэнцыялу асобы, пашырэнне сферы выкарыстання беларускай мовы.
Актуальнасць
- Для органаў дзяржаўнай улады: конкурс (форум) – адзін са сродкаў рэалізацыі дзяржаўных праграм у сферы культуры і адукацыі (Дзяржаўная праграма “Культура Беларусі” (2011–2015 гг.), Дзяржаўная праграма развіцця вышэйшай адукацыі РБ на 2011–2015 гг. і інш.), мэты і задачы адпавядаюць асноўным палажэнням адпаведных заканадаўчых актаў (Кодэкс Рэспублікі Беларусь “Аб адукацыі”, Закон Рэспублікі Беларусь “Аб культуры” і інш.), а таксама міжнародных дакументаў (Канцэпцыя мастацкай адукацыі краін СНД, праграмныя дакументы ЮНЕСКА і г. д.), накіраваных на актывізацыю творчага працэсу маладога пакалення.
- Для бізнес-супольнасці – магчымасць сфарміраваць вобраз беларускага прадпрымальніцтва як сацыяльна адказнага і неабыякавага да праблем развіцця нацыянальнай культуры.
- Для ўдзельнікаў – інструмент для самарэалізацыі і самаактуалізацыі, магчымасць заявіць пра сябе і свой талент.
- Для грамадскіх аб’яднанняў – механізм пашырэння кола чытачоў, развіцця творчай ініцыятывы сярод моладзі.
Час правядзення: верасень 2013 года – люты 2014 года.
Арганізатары: Рэспубліканская канфедэрацыя прадпрымальніцтва, Саюз пісьменнікаў Беларусі пры падтрымцы Міністэрства культуры Рэспублікі Беларусь, Міністэрства адукацыі Рэспублікі Беларусь, Міністэрства інфармацыі Рэспублікі Беларусь.
Выканавец: Цэнтр міжкультурнага дыялогу Рэспубліканскай канфедэрацыі прадпрымальніцтва.
Умовы ўдзелу ў конкурсе
Да ўдзелу ў конкурсе запрашаюцца маладыя аўтары ва ўзросце ад 18 да 31 года. Прымаюцца работы на беларускай і рускай мовах па трох намінацыях: проза, паэзія, драматургія. Кожны ўдзельнік мае права даслаць толькі адзін твор, раней не апублікаваны. Аргкамітэт прымае заяўкі і тэксты работ да 15 снежня 2013 г.
У заяўцы ўказваецца: прозвішча, імя, імя па бацьку ўдзельніка, месца вучобы (працы), паштовы адрас, кантактны тэлефон, e-mail, намінацыя, назва работы.
Работы з адзнакай “Літаратурны конкурс імя М. Багдановіча” неабходна дасылаць (па выбары):
- па паштовым адрасе: Рэспубліка Беларусь, 220033, г. Мінск, вул. Серафімовіча, 11–115;
- па электронным адрасе: rce.by.man@gmail.com
Правілы афармлення матэрыялаў: шрыфт – Times New Roman, кегль (памер літар) – 14, інтэрвал – 1, абзац – 1 см, палі з усіх бакоў – 2 см. Таксама прымаюцца рукапісныя варыянты.
Журы конкурсу
Чаргінец М. І. – старшыня Саюза пісьменнікаў Беларусі (старшыня конкурсу).
Карагін У. М. – старшыня Прэзідыума Рэспубліканскай канфедэрацыі прадпрымальніцтва (сустаршыня конкурсу).
Навумовіч У. А. – дацэнт Беларускага дзяржаўнага ўніверсітэта.
Задзяркоўская Н. І. – галоўны спецыяліст упраўлення устаноў культуры і народнай творчасці Міністэрства культуры Рэспублікі Беларусь.
Логінава Т. У. – начальнік аддзела метадычнага забеспячэння гуманітарнай адукацыі НМУ “Нацыянальны інстытут адукацыі” Міністэрства адукацыі Рэспублікі Беларусь.
Лысенка С. А. – дырэктар Рэспубліканскай канфедэрацыі прадпрымальніцтва.
Сапоцька П. М. – дырэктар Цэнтра міжкультурнага дыялогу Рэспубліканскай канфедэрацыі прадпрымальніцтва.
Бадак А. М. – галоўны рэдактар часопіса “Нёман”.
Сівец Т. М. – галоўны рэдактар газеты “Літаратура і мастацтва”.
Шэляговіч Т. Э. – дырэктар Беларускага дзяржаўнага літаратурнага музея імя М. Багдановіча.
Сябры Саюза пісьменнікаў Беларусі: Карызна У. І., Конеў Я. Ф., Давідовіч С. Ф., Паліканіна В. П., Марціновіч А. А., Камейша К. В., Атрошанка Т. А.
Падвядзенне вынікаў і ўзнагароджанне
Вынікі конкурсу будуць падведзены да 1 лютага 2014 г.
Па кожнай з намінацый (паэзія, проза, драматургія) будуць вызначаны тры прызавыя месцы (адпаведна першае, другое, трэцяе). Пераможцы атрымаюць каштоўныя падарункі (ноўтбукі, планшэты і іншае). Аўтар, які заняў адно з першых месцаў, будзе разгледжаны ў якасці кандыдата на пазачарговы прыём у Саюз пісьменнікаў Беларусі.
Узнагароджанне пройдзе пад час правядзення XXI Мінскай міжнароднай кніжнай выстаўкі-кірмашу.
Па пытаннях правядзення форуму звяртацца ў арганізацыйны камітэт:
Рэспубліка Беларусь, 220033, г. Мінск, вул. Серафімовіча, 11–115.
Тэлефоны: (8 017) 298 24 41, (8 017) 298 24 47,
а таксама: (8 029) 853 75 98 – Сапоцька Павел Міхайлавіч,
(8 029) 612 03 14 – Навумовіч Уладзімір Аляксандравіч.
Факс: (8 017) 298 24 41.
E-mail: rce.by.man@gmail.com
Крыніца: газета “Літаратура і мастацтва”
