ГалоўнаяНавіныНавіны бібліятэк
Перадача ў дар кніг
Наша зямля – наша багацце!

Паход аўтографаў у Год кнігі

Паход аўтографаў у Год кнігі
Іншыя навіны

Не заўсёды аўтографы пачыналіся абавязковым словам “Дарагому...” ці “Паважанаму...”.


Пра гэта расказае беларускі паэт Сяргей Панізнік.

– У 1960 годзе я, навучэнец Магілёўскага медыцынскага вучылішча, а яшчэ і наведвальнік літаб'яднання пад апекаю Аляксея Пысіна, асмеліўся пры сустрэчы з пісьменнікамі напрасіцца на аўтограф. На танюсенькіх кніжачках Максіма Лужаніна, Янкі Брыля, Янкі Скрыгана, Васіля Матэвушава атрымаў першыя дароўныя надпісы.

Пры шчырых стасунках з творцамі, пры ўзаемнай сімпатыі і добрасуседстве заставаліся арыгінальныя надпісы – своеасаблівыя характарыстыкі натхнёным асобам, часта і ў вершаванай форме.

Напышлівых слоў не спатрэбілася Уладзіміру Караткевічу для аўтографа на кнізе “Вока тайфуна”. Дануту Бічэль-Загнетаву фатаграфаваў у Маскве з Паўлінай Мядзёлкай, у Гародні – з Васілём Быкавым, у Гудзевічах – з Алесем Белакозам, у Вільні – з Зоськай Верас,... Пісаў вершы-прысвячэнні і для яе, і для Ніны Мацяш. А згадваецца пра гэта для таго, каб выказаць адно пажаданне. Вось выйшлі калісьці зборнікі эпіграм, эпітафій і яшчэ розныя тэматычныя выданні. А хто возьмецца за выданне кнігі аўтографаў нашых пісьменнікаў, дароўных надпісаў творцаў розных пакаленняў? Гэтакіх сведчанняў асаблівага жанру эпісталярыя сабралася ў мяне больш за сотню.

Вось прывезеная з В'етнама ў 1988 годзе кніга У. Караткевіча з аўтографам паэта Ле Чонг Шама. Ёсць у мяне і пераклад верша в’етнамскага творцы, прысвечанага Караткевічу. А калі хтосьці будзе гаварыць пра Уладзіміра Конана з нагоды гадавіны развітання з ім, то няхай гляне на яго аўтограф. Калі ўгледзецца ў почырк, згадваюцца і аблічча чалавека, і тэмбр яго голасу, і яго ўсмешка прабіваецца праз наплывы гадоў...

Вось і новы аўтограф Івана Антонавіча – праз 40 з лішкам гадоў ад першага. І ніякага прамежку ў вечнасці.

А на зборніку Анатоля Сыса “Пан Лес” засвяціліся подпісы многіх сяброў Анатоля – у дзень развітання з ім. Выцвітаюць кветкі на магілах, а вось пакінутыя ПРЫТУЛЕННІ хочацца захаваць.

Крыніца: газета “Звязда”

Навіны

Літаратурныя смачнасці: 10 мастацкіх кніг з рэцэптамі

12 Май 2021

У дажджлівыя вясновыя дзянькі абавязкова хочацца чым-небудзь сябе пацешыць. Добры спосаб – заняцца любімым хобі, сустрэцца з сябрамі або... проста паесці. Пэўна ў вашым спісе любімых рэчаў пункт “смачная ежа” ідзе адразу пасля мастацкай літаратуры, а калі яны спалучаюцца, атрымліваецца цудоўны спосаб падбадзёрыць сябе і натхніць на будучыя здзяйсненні – можа, нават кулінарныя. Сёння мы паглядзім на дзесяць выдатных мастацкіх кніг, у якіх гатаванне мае важную ролю, а стравы абавязкова хочацца пакаштаваць. Падрыхтуйце хустачкі: ад некаторых апісанняў проста слінкі цякуць.

Аўтарскі погляд

Семінар-практыкум “Беларускія тэксты арабскім пісьмом”

12 Май 2021

У бібліятэцы скончыліся заняткі ў рамках семінара-практыкуму “Беларускія тэксты арабскім пісьмом”, падчас якіх усе зацікаўленыя мелі ўнікальную магчымасць навучыцца чытаць кітабы.

Навіны Нацыянальнай бібліятэкі Беларусі

Чырвоная кніга

12 Май 2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Кніжныя выстаўкі

“Цікава пачытаць”: кніга “Мора ў чамадане, або Казка вяртаецца”

12 Май 2021

8 мая ў дзіцячым пакоі на занятках “Цікава пачытаць” дзеці даведаліся аб займальных прыгодах школьніцы Марыі Лапінай – галоўнай гераіні кнігі Надеі Ясмінска “Мора ў чамадане, або Казка вяртаецца”.

Навіны Нацыянальнай бібліятэкі Беларусі

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Бібліятэкарам
111