![Паэма "Сымон-музыка" прагучыць на шасці мовах у эфіры міжнароднага радыё](/upload/iblock/8b2/8b27f899f80fa1cd28b48fb6adf44c93.jpg "Паэма "Сымон-музыка" прагучыць на шасці мовах у эфіры міжнароднага радыё")
Міжнароднае радыё “Беларусь” Белтэлерадыёкампаніі 4 снежня праводзіць тэматычны радыёдзень.
У рамках сацыяльна-культурнай акцыі сумесна з Дзяржаўным літаратурна-мемарыяльным музеем Якуба Коласа адбудзецца “Міжнародны дзень чытання “Сымона-музыкі”. На працягу дня ў эфіры будуць гучаць урыўкі з паэмы Якуба Коласа не толькі на беларускай мове, а і ў перакладзе на рускую, украінскую, казахскую, англійскую і іспанскую мовы у выкананні журналістаў радыё “Беларусь” і прадстаўнікоў нацыянальна-культурных супольнасцей нашай краіны.
Паэма “Сымон-музыка” ўжо 90 гадоў уваходзіць у залаты фонд беларускай літаратуры. Яе вывучаюць у школе, перавыдаюць з ілюстрацыямі адметных мастакоў. Твор з’яўляецца крыніцай натхнення для многіх творцаў. Паводле яе пастаўлены тэле- і радыёспектаклі, арт-перфомансы, створана сімфанічная партытура, лібрэта оперы, літаратурная кампазіцыя для чытання. Знакаміты скульптар Заір Азгур уключыў кампазіцыйную частку твора (Сымона і Ганы – галоўных персанажаў паэмы) у скульптурны комплекс на плошчы Якуба Коласа ў Мінску. Сімвалічна, што юбілей твора адзначаецца ў Год моладзі, бо гэтую паэму пясняр прысвяціў менавіта беларускім маладым людзям.
Свой удзел у сацыяльна-культурнай акцыі пацвердзілі таксама музеі Расіі, Літвы і Украіны, Цэнтральная бібліятэка г. Валгаграда і Таварыства беларускай культуры “Спадчына” (г. Друскінінкай, Літва). Чытайце і слухайце паэму “Сымон-музыка” Якуба Коласа ў эфіры міжнароднага радыё “Беларусь”!
Крыніца: газета “Звязда”
Чытайце таксама:
- Побывавший в космосе сборник стихов Коласа на две недели выставили в Минске
- Колас. Блок. Пушкін
- Материалы из фондов музея Якуба Коласа представлены в Калининграде
- День белорусской поэзии прошел в Таджикистане
- Выставка "Дорога Якуба Коласа" проходит в Литве
- Вечер в честь Купалы и Коласа прошел в Шанхае
- В Вильнюсе экспонируются вещи Якуба Коласа
- Класікам у замежжы
- Конкурс на лучший перевод Купалы и Коласа на китайский язык
- Памятная доска Якубу Коласу появится в Вильнюсе
- В Киеве отметили юбилеи Купалы и Коласа
- Празднование юбилеев Коласа и Купалы вышло далеко за пределы Беларуси
- Кітайскі перакладчык малюе беларускіх класікаў
- В Молдове пройдут вечера памяти белорусских поэтов, писателей и музыкантов
- Выстаўка ў Расіі прысвечана Я. Купале і Я. Коласу
- В Молдове широко отметят 130-летие со дня рождения Купалы и Коласа
- Зарубежные фотовыставки к 130-летию со дня рождения Я. Коласа
- Конкурс на создание проекта памятника Я. Купале и Я. Коласу в Варшаве
- О памятнике классикам белорусской литературы в Варшаве
