ГалоўнаяНавіныНавіны бібліятэк
Чаму Паўліна Мядзёлка крыху расчаравалася ў Купале?
Канцэрт класічнай музыкі

Пабачыць свет новая кніга пра жыццё і творчасць Максіма Багдановіча

Пабачыць свет новая кніга пра жыццё і творчасць Максіма Багдановіча
Іншыя навіны

У выдавецтве “Мастацкая літаратура” неўзабаве пабачыць свет кніга “Максім Багдановіч” з серыі ЖЗЛБ, у якой “год за годам праз успаміны, лісты, дакументы, цытаты з даследванняў, невядомыя творы раскрываецца жыццё геніяльнага паэта”. Выданне прымеркавана да 130-годдзя з дня нараджэння класіка.

У кнізе прадстаўлены, як ужо знаёмыя факты, так і тыя, што ўводзяцца ва ўжытак упершыню. Параскіданыя па шматлікіх выданнях звесткі, сабраныя побач адпаведна храналогіі, задаюць новы ракурс, раскрываюць унутраныя матывы і даюць адказы на многія загадкі. Да таго ж, выданне мае больш за сотню фотавыяў, некаторыя з іх адкрыліся зусім нядаўна. Спадзяёмся, што кніга будзе карыснай усім аматарам творчасці Максіма Багдановіча і спадабаецца самаму шырокаму колу аматараў беларускай літаратуры.

Падрыхтоўкай займаліся супрацоўнікі Літаратурнага музея Максіма Багдановіча. А дырэктар музея Міхал Бараноўскі займаўся ўкладаннем:

Гэта быў сапраўды вялікі кавалак работы – рады, што ён даведзены да лагічнага завяршэння. Роля ўкладальніка кніжкі для мяне новая і адказная. Часам прыходзілася даваць свае, даволі спрэчныя, інтэрпрэтацыі і на ўласную рызыку адбіраць і суадносіць храналагічна той ці іншы ўрывак. Усе справядлівыя заўвагі пастараюся ўлічыць у будучым, бо фармат кнігі дазваляе ёй быць незавершанай і адкрытай для новых звестак, а яны сто адсоткаў будуць. Кніжка больш публіцыстычная чым навуковая, але што да саміх тэкстаў, змешчаных у кнізе, то стараліся максімальна арыентавацца на першакрыніцы і арыгінальныя дакументы.

У продажы кніга “Максім Багдановіч” з серыі ЖЗЛБ з’явіцца праз два тыдні. Набыць яе можна будзе як у кнігарнях, так і непасрэдна ў выдавецтве “Мастацкая літаратура”.

Крыніца: Budzma.by

Навіны

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Садовае чараўніцтва: як Сесіль Мэры Баркер і кветкавыя феі змянілі кніжную ілюстрацыю

23 Ліп 2021

Вы калі-небудзь звярталі ўвагу, якія добрыя ілюстрацыі ў дзіцячых кнігах? Яны лёгкія, пяшчотныя, прыемныя воку і сэрцу – адно задавальненне... Праўда, мы зусім не ўспрымаем іх усур'ёз. У рэшце рэшт, гэта ж для дзяцей, а значыць, там шмат спрашчэнняў, умоўнасцей і зусім ніякай сур'ёзнасці, так? А вось і не. Кніжная ілюстрацыя можа быць сур'ёзнай, дакладнай і нават цалкам навуковай – не губляючы пры гэтым свайго чараўніцтва. Сёння мы пагаворым пра Сесіль Мэры Баркер, сапраўдную каралеву кветкавых фей, і пра батанічную ілюстрацыю.

Аўтарскі погляд

23 Ліп 2021

Пра бібліяаптэку мы яшчэ пагаворым. А зараз – пра рэчы не менш важныя. Свой першы твор Янка Купала напісаў па-польску, Якуб Колас – па-руску. Але кожны вярнуўся да родных вытокаў. Рашуча і канчаткова. Так бусел вяртаецца з выраю менавіта ў сваю буслянку…

Навіны бібліятэк

22 Ліп 2021

Унучка і праўнучка пісьменніка падрыхтавалі кнігу «Ясная зорка Якуба Коласа», што выходзіць у выдавецтве «Мастацкая літаратура». Яе гераіня – Марыя Дзмітраўна Міцкевіч, жонка класіка беларускай літаратуры.

Навіны бібліятэк

Бібліятэкарам