Новая шведская Акадэмія адкрыла на сваім сайце спіс для галасавання.
Новая Акадэмія, якая вырашыла ўручыць альтэрнатыўную Нобелеўскую прэмію па літаратуры ў 2018 годзе, апублікавала на сваім сайце спіс намінантаў.
У яго трапілі 46 аўтараў са Швецыі, Вялікабрытаніі, Канады, Італіі, Францыі, Індыі, Японіі, Ізраіля, Кеніі, Гвадэлупы, Фінляндыі, Польшчы, Нігерыі, Швейцарыі і Ісландыі. Сярод прэтэндэнтаў на ўзнагароду – Харукі Муракамі, Амос Оз, Ніл Гейман, Маргарэт Этвуд, Паці Сміт, Дона Тарт, Джоан Роўлінг, Вольга Такарчук, якая нядаўна атрымала Міжнародную Букераўскую прэмію, і іншыя. Расійскіх пісьменнікаў у спісе няма.
Прагледзець увесь ліст і пакінуць свой голас за любімага аўтара можна тут. Галасаванне працягнецца да 14 жніўня. Творы чатырох пісьменнікаў, якія атрымалі найбольшую колькасць галасоў, будуць разгледжаны журы. Пераможцу абвесцяць 14 кастрычніка.
Крыніца: ГодЛитературы.РФ
