17 верасня ладзіцца Міжнародная навукова-практычная канферэнцыя “Публічная бібліятэка ў кантэксце сацыякультурнай прасторы рэгіёну: два стагоддзі гісторыі”.
Канферэнцыя прысвечана 180-годдзю Гродзенскай абласной навуковай бібліятэкі імя Я.Ф. Карскага, найстарэйшай публічнай бібліятэкі на Беларусі. Сёння ДУК “Гродзенская абласная навуковая бібліятэка імя Я.Ф. Карскага” – буйнейшае кнігасховішча, вядучы інфармацыйны цэнтр, лідэр бібліятэчнай палітыкі ў вобласці. Галоўным прыярытэтам яе развіцця з’яўляецца якаснае задавальненне інфармацыйных, адукацыйных і духоўных патрэб грамадства шляхам укаранення інавацыйных метадаў работы, сучасных тэхналогій і фарміравання інфармацыйных рэсурсаў.
Арганізатары:
- Упраўленне культуры Гродзенскага аблвыканкама;
- ДУК “Гродзенская абласная навуковая бібліятэка імя Я.Ф. Карскага”.
Мэта канферэнцыі: адлюстраваць ролю і месца публічнай бібліятэкі ў сацыяльна-эканамічным жыцці рэгіёну, вызначыць шляхі яе будучага развіцця.
На канферэнцыі плануюцца наступныя праблемна-тэматычныя напрамкі для абмеркавання:
- кнігадрукаванне на Гродзеншчыне;
- развіццё бібліятэчнай справы Прынямоння ў XIX–XXI стст.;
- знакамітыя асобы ў бібліятэчнай справе Прынёманскага краю;
- паўстагоддзя з імем першага беларускага акадэміка Я.Ф. Карскага;
- роля публічнай бібліятэкі ў развіцці рэгіёну;
- публічная навуковая бібліятэка – буйнейшы інфармацыйны цэнтр вобласці;
- супрацоўніцтва абласной бібліятэкі з грамадскасцю;
- інавацыйная дзейнасць сучаснай публічнай бібліятэкі.
Удзельнікі:
- Міністэрства культуры Рэспублікі Беларусь;
- Нацыянальная бібліятэка Беларусі;
- Беларуская бібліятэчная асацыяцыя;
- Упраўленне культуры Гродзенскага аблвыканкама;
- Упраўленне ідэалагічнай работы Гродзенскага аблвыканкама;
- Гродзенская абласная краязнаўчая асацыяцыя;
- Генеральнае консульства Рэспублікі Польшча ў Гродне;
- Генеральнае консульства Рэспублікі Літва ў Гродне;
- УА “Гродзенскі дзяржаўны універсітэт імя Я. Купалы”;
- навукоўцы Беларусі і Расіі;
- бібліятэкары Беларусі, Расіі, Польшчы.
Да ўдзелу запрашаюцца навукоўцы, гісторыкі, краязнаўцы, супрацоўнікі музеяў, архіваў, бібліятэк горада і вобласці, прадстаўнікі выдавецкіх арганізацый, сродкаў масавай інфармацыі, студэнты.
Для ўдзелу ў канферэнцыі неабходна запоўніць рэгістрацыйную форму на сайце бібліятэкі.
Па выніках канферэнцыі будзе выдадзены зборнік дакладаў і паведамленняў.
Крыніца: Гродзенская абласная навуковая бібліятэка імя Я.Ф. Карскага