З нагоды Дня бібліятэк Вілейская раённая цэнтральная бібліятэка імя Г. Новік пры ўдзеле Беларускай бібліятэчнай асацыяцыі ладзіць 17–18 верасня чарговы велапрабег “На ровары па бібліятэках”.
Асноўнымі мэтамі велапрабегу з’яўляюцца абмен прафесійным досведам і прыцягненне ўвагі грамадства да бібліятэк і чытання.
У праграме – наведванне бібліятэк у в. Ілья, Крывое Сяло і Вязынь, экскурсіі ў школьныя краязнаўчы музей “Ільянскія далягляды” і літаратурны музей “Вілейшчына літаратурная” ў в. Ілья і Вілейскі краязнаўчы музей, знаёмства з дзейнасцю Вілейскай раённай цэнтральнай бібліятэкі імя Г. Новік і Бібліятэкі сямейнага чытання (гарадскі філіял № 1), а таксама агляд архітэктурных і прыродных помнікаў Вілейшчыны.
Маршрут: Вілейка–Крывое Сяло–Касута–Рабунь–Сосенка–Абадоўцы–Ілья–Будзішча–Вязынь–Вілейка. За два дні плануецца праехаць каля 100 км.
Да ўдзелу запрашаюцца бібліятэкары, а таксама ўсе ахвотныя.
Неабходна папярэдняя рэгiстрацыя, якая распачнецца 8-га жніўня і працягнецца да 8-га верасня.
Каардынатар удзельнікаў з Вілейкі – Іна Лазар, obm-vil@yandex.ru.
Каардынатар астатніх удзельнікаў – Настасся Жарская, anviza@yandex.ru.
Для рэгістрацыі трэба даслаць на адзін з пазначаных вышэй мэйлаў наступныя даныя: імя, прозвішча, дата нараджэння, месца працы і пасада, нумар тэлефона, адрас электроннай пошты.
Колькасць месцаў абмежаваная. Удзельнікі самастойна пакрываюць выдаткі на дарогу да месца старту, харчаванне і начлег. Сума ўзносу за ўдзел складзе прыкладна 40 руб (яшчэ ўдакладняецца). Яна пакрые пражыванне (начлег у АЦ “Надзея”), харчаванне (два абеды, вячэра, сняданак), машыну суправаджэння і культурную праграму.
Крыніца: Беларуская бібліятэчная асацыяцыя
Чытайце таксама:
- Велапрабег "На ровары па бібліятэках"
- Cyclo-Biblio 2015
- Велопробег "На ровары па бібліятэках"
- Cycling for libraries – Baltic Star 2014
- Cтартует библиотечный велопробег
- Библиотечное велопутешествие, или Cycling for libraries 2013
- Библиотечное велопутешествие по Прибалтике, или Cycling for libraries 2012
