ГалоўнаяНавіныНавіны бібліятэк
Дэкада беларускай і рускай філалогіі ў Гомельскай абласной бібліятэцы
Унутраная свабода: як наладзіць адносіны з уласным жыццём?

Музычны вечар у філармоніі “Быў. Ёсць. Будзе”

Музычны вечар у філармоніі “Быў. Ёсць. Будзе”
Іншыя навіны

23 лістапада ў Малой зале Беларускай дзяржаўнай філармоніі быў арганізаваны музычны вечар “Быў. Ёсць. Будзе”, прысвечаны 80-годдзю з дня нараджэння У. Караткевіча.


У рамках мерапрыемства Цэнтральная навуковая бібліятэка імя Я. Коласа НАН Беларусі падрыхтавала выстаўку “Рыцар зямлі беларускай”.

У праграме вечара гучала мастацкая кампазіцыя ансамбля салістаў “Класік-Авангард” пад кіраўніцтвам Уладзіміра Байдава “Апостал”, прысвечаная юбілею пісьменніка (мастацкі кіраўнік праекта – В. Скарабагатаў, аўтар сцэнарыя – І. Дубянецкая), ладзілася выстаўка карцін мастака Я. Куліка і скульптурных работ Г. Лойкі.

З прывітальным словам да прысутных звярнуўся заслужаны артыст Рэспублікі Беларусь, лаўрэат Дзяржаўнай прэміі, ганаровы член Міжнароднай акадэміі навук Еўразіі, прафесар Віктар Скарабагатаў.

У расказе пра Караткевіча літаратуразнаўцы, дацэнта кафедры беларускай літаратуры БДУ Анатоля Вераб’я ўвагу слухачоў прыцягнула цікавая інфармацыя пра малавядомы эпізод з удзелам У. Караткевіча і Вольфа Месінга. Падчас аднаго са сваіх выступленняў знакаміты артыст і тэлепат выявіў сярод гледачоў Уладзіміра Сямёнавіча і паведаміў пра гэта зале, назваўшы вядомага беларускага пісьменніка геніем.

Доктар філалагічных навук, прафесар Адам Мальдзіс адзначыў у сваім выступлені, што музыка была адным з захапленняў Караткевіча, а таксама паведаміў гісторыю пра тое, як быў знойдзены музычны матэрыял, пакладзены ў аснову праекта “Апостал” – зборнік барочнай музыкі “Полацкі сшытак” (навуковая назва – “Астрамечаўскі рукапіс” або “Рукапіс Ягелонскай бібліятэкі”). Менавіта А. Мальдзіс у 1962 годзе ў бібліятэцы Ягелонскага ўніверсітэта ў Кракаве знайшоў гэты нотны рукапіс, уклеены ў вокладку беларускага ўніяцкага службоўніка, што трапіў у Польшчу пасля Другой сусветнай вайны.

Урачыста прайшла і музычная частка вечара. У зале філармоніі гучала старадаўняя беларуская музыка (“Полацкі сшытак”) і музыка XIX стагоддзя (С. Манюшкі) як фон для паэтычных твораў Уладзіміра Караткевіча.

Выстаўка дакументаў з фондаў ЦНБ імя Я. Коласа НАН Беларусі “Рыцар зямлі беларускай” выклікала прыкметную цікавасць гасцей і ўдзельнікаў вечара. Сярод экспанатаў, якія дэманстраваліся ў канцэртнай зале і фае філармоніі, былі прадстаўлены выданні твораў Караткевіча, кнігі пра пісьменніка, а таксама каштоўныя дакументы з яго асабістага архіва, які захоўваецца ў бібліятэцы: рукапісы твораў, арыгінальныя малюнкі і замалёўкі аўтара, фатаграфіі.

У мерапрыемстве ўзялі ўдзел прадстаўнікі навуковых і культурных устаноў рэспублікі, СМІ, госці і жыхары сталіцы.

Чытайце таксама:

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111