Лета – час актыўнага адпачынку, пазнання навакольнага свету, дзіўных адкрыццяў. Куды пайсці на канікулах, калі не трэба рыхтаваць урокі і хадзіць на заняткі? Выбар велізарны, і адна з магчымасцяў – пайсці ў музей!
Дзяржаўны літаратурна-мемарыяльны музей Якуба Коласа гатовы гасцінна расчыніць свае дзверы перад дапытлівай дзятвой. Безумоўна, актыўны адпачынак летам – самае галоўнае. Але супрацоўнікі музея прапануюць, гуляючы і адпачываючы, зрабіць для сябе маленькія адкрыцці. Культурна-адукацыйная праграма “Летнія канікулы ў Доме Коласа” ўключае экскурсіі, віктарыны, майстар-класы, выстаўкі.
Пабываўшы ў музеі Якуба Коласа летам, дзеці скажуць: “Музей – гэта цікава!”
У перыяд летніх канікул музей прапануе для дзіцячай аўдыторыі розных узроставых груп:
Экскурсіі па музеі:
- Аглядавыя і тэматычныя
Экскурсіі па сядзібе:
- “У хвалях няспыннага руху: аўтамабільнымі шляхамі Якуба Коласа” (уласны і службовыя аўтамабілі пісьменніка ў 1936 – 1956 гг.)
- Мемарыяльны склеп пісьменніка
Музейныя майстар-класы і заняткі:
- “Каляндар мой, каляндар, няхай наступны будзе ў дар” (майстар-клас па вырабе вечнага календара);
- “Тэатр бывае розным” (занятак па гісторыі ўзнікнення лялечнага тэатра і сцэнічным майстэрстве, майстар-клас па вырабе папяровай лялькі);
- майстар-клас па вырабе паштовак у тэхніцы квілінг;
Тэатралізаваныя прадстаўленні па беларускіх народных казках і вершах Якуба Коласа:
- “Воўк-дурань”
- “Савось-распуснік”
- “Залатая рыбка”
- “Як кот звяроў напалохаў”
- “Разумны ўнучок”
- ”Як пеўнік курачку ратаваў”
- “Кот, пеўнік і лісіца”
Інтэрактыўныя праграмы:
- квэст-гульня “Таямніцы дома Песняра”
Заяўкі на правядзенне экскурсій і ўдзел у праекце прымаюцца па тэлефоне: (8 017) 284-17-02.
Экспазіцыя музея ў Мінску працуе з 10.00 да 17.30, выхадны – нядзеля.
Праект дзейнічае да 30 жніўня 2018 года.
Папярэдні запіс абавязковы!
Адрас музея: 220012, г. Мінск, вул. Акадэмічная, 5.
Крыніца: Дзяржаўны літаратурна-мемарыяльны музей Якуба Коласа