Газеты "Звязда", "Мінская праўда" і Мінскае абласное аддзяленне Саюза пісьменнікаў Беларусі ў Год кнігі праводзяць літаратурную вандроўку "Шляхамі паэтаў".
Творчая ініцыятыва прымеркавана да 130-годдзя Якуба Коласа і Янкі Купалы, 100-годдзя Максіма Танка. Журналісты і пісьменнікі сустрэнуцца з землякамі паэтаў, наведаюць памятныя мясціны, звязаныя з жыццём і творчасцю класікаў. А пасля раскажуць чытачам усёй краіны пра Мядзельскую, Маладзечанскую, Стаўбцоўскую старонкі, іншыя куточкі, што натхнялі на стварэнне неўміручых паэтычных твораў, што падаравалі пісьменнікам светлыя вобразы.
18 красавіка "дэсант" літаратурнай вандроўкі высадзіцца ў Мядзеле. У раённай бібліятэцы пройдзе круглы стол "Зямля, што нараджае паэтаў". Затым – сустрэча з вучнямі і настаўнікамі Сваткаўскай сярэдняй школы імя Максіма Танка і наведванне бацькоўскай сядзібы Максіма Танка.
Наступныя адрасы – Яхімоўшчына, Маладзечна, Харужанцы на Лагойшчыне ды іншыя кропкі на літаратурна-краязнаўчай карце Міншчыны. Запрашаем і ўсіх вас, паважаныя чытачы, часцей зазіраць да святых мясцін Айчыны, часцей углядацца ў тую прастору, якая натхняла і выхоўвала таленты! Да сустрэч у купалаўскіх, коласаўскіх, танкаўскіх мясцінах!
Крыніца: газета "Звязда"Чытайце таксама:
- В Молдове широко отметят 130-летие со дня рождения Купалы и Коласа
- Утвержден план мероприятий к юбилею Я. Купалы и Я. Коласа
- О мероприятиях к юбилею Янки Купалы и Якуба Коласа
- Праект плана мерапрыемстваў да юбілею Янкі Купалы і Якуба Коласа
- Выдадзены зборнік “Купала і Колас, вы нас гадавалі”
- Конкурс на создание проекта памятника Я. Купале и Я. Коласу в Варшаве
- О памятнике классикам белорусской литературы в Варшаве
