Лаўрэатам у намінацыі “Залатая Букераўская прэмія” (The Golden Man Booker Prize), прысвечанай лепшым кнігам свету за апошнія 50 гадоў, стаў раман “Английский пациент” канадскага пісьменніка Майкла Андатжэ.
Раман, які апавядае пра Другую сусветную вайну, стаў лаўрэатам Букераўскай прэміі ў 1992 годзе і быў пакладзены ў аснову знакамітага фільма 1996 году з Рэйфам Файнсам і Жюльет Бінош у галоўных ролях, які ўганараваны дзевяццю прэміямі “Оскар”.
Уручэнне “Залатой Букераўскай прэміі” прымеркавана да 50-годдзя Букераўскай прэміі. У адрозненне ад “Букера”, “Залаты Букер” прысуджаецца не рашэннем журы, а па выніках галасавання чытачоў. “Английский пациент” па выніках галасавання апярэдзіў чатыры іншыя раманы, стаўшы, на думку чытачоў, лепшым раманам з “Букераўскага” спісу за 50 гадоў. Кожны з 5 твораў, якія ўвайшлі ў шорт-ліст, прадстаўляе адно з дзесяцігоддзяў існавання Букераўскай прэміі.
Старшыня фонду Букераўскай прэміі баранэса Хелена Кенэдзі назвала раман “Английский пациент” “займальнай працай у галіне мастацкай літаратуры, паэтычнай і філасофскай”.
Букераўская прэмія – прэстыжная літаратурная ўзнагарода, якая штогод уручаецца ў Вялікабрытаніі. Прэмія заснавана ў 1968 годзе.