У Віцебскай абласной бібліятэцы імя У. І. Леніна распрацаваны краязнаўчы інфармацыйны рэсурс – камбінаваная база даных "Прыдзвінскі край: гісторыя і сучаснасць".
У новай базе даных прадстаўлены звесткі па гісторыі, культурным жыцці і розных галінах эканомікі раёнаў Віцебскага краю.
Матэрыялы падрыхтаваны супрацоўнікамі цэнтральных бібліятэк раённых цэнтраў вобласці, апрацаваны і дапоўнены спецыялістамі абласной бібліятэкі. Напаўненне базы будзе праводзіцца паступова, па меры набыцця новай інфармацыі.
Работа над рэсурсам працягваецца. Зараз змешчана інфармацыя пра Аршанскі, Бешанковіцкі, Браслаўскі, Верхнядзвінскі, Гарадоцкі, Глыбоцкі, Докшыцкі, Дубровенскі, Лепельскі, Лёзненскі, Міёрскі, Пастаўскі, Расонскі, Сенненскі, Талачынскі, Чашніцкі, Ушацкі, Шаркаўшчынскі, Шумілінскі раёны, г. Віцебск, г. Оршу.
Акрамя звестак пра пэўны абласны раён (яго гісторыю, прыроду, эканоміку, медыцыну і спартыўнае жыццё, культуру, помнікі, легенды і паданні, пра вядомых ураджэнцаў раёна), база даных "Прыдзвінскі край: гісторыя і сучаснасць" змяшчае абагульненую тэматычную інфармацыю ў наступных раздзелах:
- Гарады вобласці.
- Легенды і паданні.
- Геральдыка.
- Пісьменнікі, паэты, літаратары.
- Мастакі.
- Выдатныя і знакамітыя людзі.
- Героі Савецкага Саюза.
- Героі Сацыялістычнай Працы.
