На працягу тыдня ў снежні Беларускі універсітэт культуры і мастацтваў традыцыйна запрашаў гасцей на Кніжныя каляды.
У час святкавання прайшла творчая сустрэча чытачоў з беларускім пісьменнікам Казімірам Камейшам, адбыўся творчы дыялог на тэму “Да дабра праз слова” з беларускім пісьменнікам, рэдактарам часопіса “Полымя” Анатолем Зэкавым. Да 210-годдзя Адама Міцкевіча была прымеркавана сустрэча студэнтаў, выкладчыкаў і гасцей універсітэта з супрацоўнікамі музея паэта ў Навагрудку. У адзін са снежаньскіх вечароў усе былі запрошаны на каляднае свята – вячоркі. Другім днём ладзілася літаратурна-музычная вечарына, прысвечаная аўтарскай песні.
Свята было падрыхтавана бібліятэкай БДУКМ і кафедрамі рэжысуры абрадаў і свят, этналогіі і фальклору, педагогікі сацыякультурнай дзейнасці. Дзякуючы гэтай ініцыятыве з’явілася яшчэ адна магчымасць аб’яднаць творых людзей, падтрымаць цікавасць да кнігі і да народных традыцый.