ГалоўнаяНавіныНавіны бібліятэк
Таямніцы друкарскай справы
Знаёмства з кнігамі Мікалая Носава

Калі лік ідзе на тысячы еўра...

Калі лік ідзе на тысячы еўра...
Іншыя навіны

Як супрацоўнікам бібліятэк "раскруціць" свой праект і атрымаць грошы на яго ўвасабленне ў жыццё? Адзін з адказаў на гэта пытанне знайшлі карэспандэнты газеты "Культура".


Не сакрэт, што бібліятэкары сёння часта робяцца ўдзельнікамі шматлікіх грантавых праграм. Вынікі актыўнага супрацоўніцтва ўвасабляюцца ў замежныя стажыроўкі, а таксама набыццё неабходнага тэхнічнага і мультымедыйнага абсталявання, на што замежнымі партнёрамі выдаткоўваюцца дзясяткі тысяч еўра.

Напрыклад, на сёлетнім фестывалі “Горад і кнігі” ў Мінску гаворка ішла менавіта пра гэта: прадстаўнікі шэрагу айчынных бібліятэк Беларусі падчас работы “Экспертнай пляцоўкі” дзяліліся сваім досведам удзелу ў праграмах, накіраваных на адукацыю і прафесійнае навучанне. Адзін з найбольш вядомых тут праектаў – праграма міжнароднай тэхнічнай дапамогі “Сэрвісы па падтрымцы бібліятэчнай сеткі: мадэрнізацыя бібліятэк Арменіі, Малдовы і Беларусі шляхам развіцця бібліятэчных кадраў і рэфармавання бібліятэк”, які з’яўляецца адным з 4 праектаў праграмы Erasmus+, прынятых да рэалізацыі ў Беларусі на 2015 – 2017 гады.

Каардынатарам праграмы выступае Акадэмія дзяржаўнага кіравання Арменіі, а ўдзельнікамі праекта з беларускага боку – бібліятэкі Беларускага дзяржаўнага ўніверсітэта, Гродзенскага дзяржаўнага ўніверсітэта імя Янкі Купалы, Акадэміі кіравання пры Прэзідэнце Рэспублікі Беларусь і Брэсцкага дзяржаўнага тэхнічнага ўніверсітэта. І гэты ўдзел мае важкі фінансавы складнік.

Напрыклад, як распавёў “К” дырэктар Навуковай бібліятэкі ГрДУ Мікалай Грынько, агульны бюджэт праекта для айчынных кніжніц склаў больш за 220 тысяч еўра.

– Кожнай з айчыных бібліятэк было выдаткавана прыкладна па 57 тысяч еўра, – адзначыў візаві. – На гэтую суму мы праходзілі стажыроўкі за мяжой (напрыклад, паляпшалі свае веды ў англійскай мове, вучыліся бібліятэчнаму маркетынгу і гэтак далей), ладзілі сустрэчы ў Беларусі з замежнымі спецыялістамі бібліятэчнай справы, а таксама набылі неабходнае абсталяванне для правядзення семінараў і трэнінгаў.

Акрамя таго, па словах Мікалая Грынько, у рамках праекта Erasmus+ усе ўніверсітэты-ўдзельнікі распрацоўваюць свае модулі і складаюць праграму навучання да іх. Пасля правядзення серыі пілотных заняткаў на базе сваёй ВНУ ўдзельнікі абмяняюцца праграмамі модуляў для арганізацыі навучання ў іншых універсітэтах–партнёрах праекта.

Дырэктар Фундаментальнай бібліятэкі БДУ Уладзімір Кулажанка ў сваю чаргу зазначыў, што, дзякуючы названаму праекту, яго ўстанова набыла камп’ютары, фотакамеру, каляровыя прынтары і іншае абсталяванне на суму ў 4 600 еўра. Але, на яго думку, тое не самае важнае.

– Галоўнае, што мы з дапамогай еўрапейцаў не толькі мадэрнізуем нашу бібліятэку, але і павышаем кваліфікацыю супрацоўнікаў як фундаментальнай бібліятэкі БДУ, так і іншых бібліятэк Беларусі, атрымліваем доступ да міжнародных бібліятэчных баз даных, а таксама ствараем сэрвіс падтрымкі сеткі бібліятэк краін “Усходняга партнёрства”, – распавёў суразмоўца. – У нас на стадыі распрацоўкі ўжо знаходзіцца адукацыйны модуль па інфармацыйнай граматнасці бібліятэкараў. На яго ўкараненне ў дзеянне – гэта будзе онлайн-партал – выдаткавана са сродкаў праграмы каля 19 тысяч еўра.

Як бачна, удзел у грантавых праграмах і партнёрскіх праектах заўсёды ідзе на карысць тым, хто спрабуе актыўна піярыць сябе і сваю дзейнасць. Прычым не толькі на карысць матэрыяльную. Узрастаць у сваёй справе, як вядома, можна ўсюды і заўсёды, беручы карыснае з вопыту замежных калег і прапагандуючы свой уласны, беларускі досвед узаемадзеяння з чытачамі на еўрапейскіх дыскусійных пляцоўках. А англійскую мову вывучыць не так ужо складана

Аўтар: Юрый ЧАРНЯКЕВІЧ

Крыніца: газета "Культура"

Навіны

VOKA бясплатна пакажа спектакль пра Скарыну па п’есе Віктара Марціновіча

22 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Новы віртуальны праект да 100-годдзя Нацыянальнай бібліятэкі Беларусі

21 Сту 2021

Прапануем вашай увазе віртуальны праект “Нацыянальная бібліятэка Беларусі ў сучаснай прэсе”, прысвечаны 100-годдзю галоўнай бібліятэкі краіны. Праект плануецца рэалізоўваць на працягу 2021–2022 гг.

Да 100-годдзя Нацыянальнай бібліятэкі Беларусі

Песня аб райскім жыцці: інсітнае мастацтва Алены Кіш

21 Сту 2021

У 2021 годзе спаўняецца 125 гадоў самабытнай мастачцы, унікальнаму майстру, прадстаўніцы наіўнага мастацтва Алене Кіш. Яна з’яўляецца стваральнікам унікальнага выяўленчага жанру аўтарскага размаляванага дывана.

Па старонках беларускага календара

Без панікі: чаму дзецям карысна чытаць страшныя гісторыі і як рабіць гэта правільна

20 Сту 2021

Дамы з прывідамі, жывыя мерцвякі, злавесныя праклёны... Змрочныя гісторыі заўсёды лічыліся больш прыдатнымі для старэйшай аўдыторыі, такое не варта даваць чытаць дзецям. І вельмі дарма: у страшылках значна больш карысці, чым эфемернай шкоды. Праўда, да іх – як і да ўсіх кніг – варта падыходзіць з розумам. Сёння мы паглядзім, як адкрыць для дзіцяці забаронены свет страшных гісторый і чаму гэта ў цэлым карысна.

Аўтарскі погляд

Да 90-годдзя бібліёграфа Алены Іосіфаўны Леў, якая прысвяціла трыццаць два гады развіццю бібліятэчнай справы

21 Сту 2021

Увесь калектыў Нацыянальнай бібліятэкі Беларусі сардэчна віншуе Алену Іосіфаўну з юбілеем і жадае ёй моцнага здароўя, невычэрпнай энергіі і сіл, радасці, шчасця і дабрабыту.

Партрэты: гісторыя бібліятэкі ў асобах

Бібліятэкарам
111