Выйшла з друку першае выданне міжнароднай класіфікацыйнай сістэмы Універсальная дзесятковая класіфікацыя (УДК) на беларускай мове.
Універсальная дзесятковая класіфікацыя : Асноўная табліца. Класы 0–9. Дапаможныя табліцы. Алфавітна-прадметны паказальнік : першае скарочанае выданне на беларускай мове / Аб’яднаны інстытут праблем інфарматыкі Нацыянальнай акадэміі навук Беларусі, Нацыянальная бібліятэка Беларусі ; [рэдакцыйная калегія: Ю.С. Гецэвіч, С.А. Пугачова, Г.Р. Станіславенка і інш.; укладальнікі алфавітна-прадметнага паказальніка: С.І. Лысы, Г.Р. Станіславенка, Ю.С. Гецэвіч]. – Мінск, 2015. – 327 с.
ISBN 978-985-7039-88-3
Першае выданне УДК на беларускай мове змяшчае звыш 10 000 класаў асноўных табліц, дапаможныя табліцы і алфавітна-прадметны паказальнік.
Пераклад на сучасную беларускую мову ажыццёўлены з выкарыстаннем англамоўнага эталона скарочанай версіі УДК (UDC Abridged Edition) міжнароднага Кансорцыума УДК (UDC Consortium).
Выданне будзе запатрабаванае ў бібліятэках, кнігагандлёвых арганізацыях, інфармацыйных цэнтрах для сістэматызацыі дакументаў, арганізацыі дакументных фондаў, у тым ліку краязнаўчых, і пошуку інфармацыі. Яно можа таксама быць выкарыстана ў метадычнай і вучэбнай рабоце пры правядзенні семінараў, майстар-класаў, трэнінгаў, чытанні лекцыйных курсаў у сістэме падрыхтоўкі кадраў і павышэння кваліфікацыі для вышэйназваных устаноў.
Кантакты:
(8 017) 266 37 29; kuzminich@nlb.by (намеснік дырэктара Нацыянальнай бібліятэкі Беларусі па інфармацыйных рэсурсах Кузьмініч Таццяна Васільеўна);
(8 017) 293 26 74; pugacheva@nlb.by (загадчык аддзела індэксавання дакументаў Нацыянальнай бібліятэкі Беларусі Пугачова Святлана Аляксандраўна).