ГалоўнаяНавіныНавіны бібліятэк
Адзін з першых: Адам Бабарэка – новы герой віртуальнага праекта “На хвалі часу, у плыні жыцця”
Названы пераможца прэміі імя Наталлі Арсенневай

Гран-пры “Мастацтва кнігі” ўзялі прадстаўнікі нашай краіны

Гран-пры “Мастацтва кнігі” ўзялі прадстаўнікі нашай краіны
Іншыя навіны

Урачыстая цырымонія ўручэння ўзнагарод ХVІ Міжнароднага конкурсу дзяржаў – удзельніц СНД “Мастацтва кнігі” прайшла на Маскоўскай міжнароднай кніжнай выстаўцы-кірмашы, што завяршылася 8 верасня.

Гран-пры ўзялі прадстаўнікі нашай краіны – за трохтомную персанальную энцыклапедыю “Янка Купала” выдавецтва “Беларуская Энцыклапедыя імя П. Броўкі” атрымала спецпрыз ад Міждзяржаўнага фонду гуманітарнага супрацоўніцтва дзяржаў – удзельніц СНД, сродкі на выпуск дадатковага тыражу і рассылку кнігі ў нацыянальныя бібліятэкі краін Садружнасці. Усяго ж на рахунку айчынных выдаўцоў 20 дыпломаў міжнароднага конкурсу.

Беларусь, якая сёлета ўдзельнічала ў кніжным форуме ў статусе ганаровага госця, прадставіла наведвальнікам 25 кніг праекта гісторыка і калекцыянера Уладзіміра Ліхадзедава “У пошуках страчанага”, у якім злучаны гісторыя і сучаснасць, а таксама ўнікальны арт-аб'ект “Друкарскі зубр”, сабраны з дэталяў друкарскіх станкоў ХІХ–ХХ стагоддзяў, і інтэрактыўную экспазіцыю “Друкарскі двор ХVІ стагоддзя”, дзе можна было выпрабаваць на справе старажытныя тэхналогіі вырабу паперы і друкавання кніг (самастойна “выдаць” копію першай старонкі Бібліі Францыска Скарыны мог кожны пакупнік кніг на беларускім стэндзе). Штодня на розных пляцоўках выстаўкі праходзілі семінары, круглыя сталы, сустрэчы з аўтарамі і героямі кніг, аўтограф-сесіі, прэзентацыі кніжных навінак і выдавецкіх праектаў, прысвечаных знакавым падзеям у жыцці нашай краіны. Наогул беларускія выдавецтвы прадставілі некалькі тысяч найменняў кніг.

Нагадаем, удзел у найбуйнейшай у Расіі і Усходняй Еўропе 32-й Маскоўскай міжнароднай кніжнай выстаўцы-кірмашы ўзялі прадстаўнікі 33 краін свету. Спецыяльным госцем форуму стаў эмірат Шарджа (ААЭ) – сусветная сталіца кнігі ў 2019 годзе. За пяць дзён работы выстаўкі ў яе межах прайшло звыш 600 разнастайных мерапрыемстваў – ад прафесійных дыскусій да літаратурных квестаў.

Аўтар публікацыі: Вікторыя Захарава.

Крыніца: Звязда

Навіны

Віншуем з 85-годдзем Іну Іванаўну Сцепчанкову!

28 Сту 2020

28 студзеня спаўняецца 85 гадоў Іне Іванаўне Сцепчанковай, ветэрану Нацыянальнай бібліятэкі Беларусі, высокакваліфікаванаму спецыялісту бібліятэчнай справы, прафесіяналу з вялікай літары і проста выдатнаму чалавеку, зносіны з якім заўсёды прыносяць яе калегам творчае натхненне.

Партрэты: гісторыя бібліятэкі ў асобах

Раман Матульскі аб праекце да 75-годдзя Перамогі ў Вялікай Айчыннай вайне

28 Сту 2020

Госцем перадачы “Новая раніца” на “РТР-Беларусь” стаў генеральны дырэктар Нацыянальнай бібліятэкі Беларусі Раман Матульскі. У інтэрв’ю ён анансаваў праект “100 дзён да Вялікай Перамогі. Па старонках беларускіх газет 1945 г.”.

Навіны Нацыянальнай бібліятэкі Беларусі

Ужо заўтра па матэрыялах газет 1945 г. мы пачнём зваротны адлік 100 дням да перамогі ў Вялікай Айчыннай вайне

29 Сту 2020

Прапануем вам разам з Нацыянальнай бібліятэкай Беларусі прайсці гэты 100-дзённы шлях – з 30 студзеня па 9 траўня – і штодня знаёміцца з навінамі і падзеямі зімы – вясны 1945 г.

Навіны Нацыянальнай бібліятэкі Беларусі

Кніжныя прафесары сталі энцыклапедыстамі

27 Сту 2020

26 студзеня ў межах праекта “Клуб кніжных прафесараў” адбыліся заняткі на выставе “Энцыклапедыя: нацыянальны праект” з куратарам выставы і даследчыкам энцыклапедый Ксеніяй Сушай.

Навіны Нацыянальнай бібліятэкі Беларусі

111