ГалоўнаяНавіныНавіны бібліятэк
Запрашаем на віртуальную экскурсію ў Магілёўскі край у год 80-годдзя вобласці і ў сувязі з правядзеннем V Форуму рэгіёнаў Беларусі і Расіі
Іван Штэйнер: “З’явіцца творца, які скажа новае слова...”

«Гэтая зямля ў маёй крыві». Нашчадкі Ігната Дамейкі з Аўстраліі распавялі пра свой візіт у Беларусь

«Гэтая зямля ў маёй крыві». Нашчадкі Ігната Дамейкі з Аўстраліі распавялі пра свой візіт у Беларусь
Іншыя навіны

«Гэта мой чацвёрты прыезд у Беларусь. Сёлета я прывезла сваю сям’ю. Цяпер мы ўсе закаханыя ў гэтую зямлю», – сказала Пас Дамейка, прапраўнучка Ігната Дамейкі. 10 дзён яна правяла ў Беларусі разам з дачкой і двума ўнукамі.

Чацвёра нашчадкаў Ігната Дамейкі наведалі мясціны, звязаныя з жыццём свайго продка – нацыянальнага героя Чылі, які паходзіць з Гарадзеншчыны. Яны трапілі на канферэнцыю, прысвечаную Адаму Міцкевічу ў Наваградку, і дамовіліся з Беларускім геаграфічным таварыствам, каб стварыць фонд імя Ігната Дамейкі дзеля дапамогі здольным студэнтам з Беларусі.

dameyki_1.jpg

На сустрэчы ў Нацыянальнай бібліятэцы Беларусі

Ініцыятарам вандроўкі ў Беларусь была Пас Дамейка. Яна прамая прапраўнучка беларуска-чылійскага навукоўца. Ёй 81 год. Летась яна прыязджала ў Беларусь разам з братам, сястрой і пляменнікам. Міністэрства замежных спраў ладзіла прэзентацыю беларускага перакладу яе кнігі.

«Летась было вельмі шмат цырымоній, я адчувала сябе як VIP. Гэтым разам у нас нефармальная сустрэча, якую ладзілі мае сябры», – сказала Пас.

Сёлета ў вандроўку ў Беларусь Пас узяла малодшае пакаленне Дамейкаў, якія жывуць у Аўстраліі.

dameyki_2.jpg

Нікалас Дамейка Нові

Па словах Нікаласа Дамейкі Нові (Nikolas Domeyko Novi), бабуля заўжды захаплялася радзімай свайго продка.

«Бабуля заўжды распавядала, як тут хораша, якая гэта прыгожая краіна і якія тут цудоўныя людзі», – сказаў Нікалас. Яму 29 год, ён займаецца рэкламай у газеце The Sydney Morning Herald.

Сучасныя Дамейкі – гэта больш за 200 чалавек, што жывуць у Чылі, ЗША і Аўстраліі. Усе яны лічаць Ігната Дамейку заснавальнікам свайго роду.

dameyki_3.jpg

Джэймс Дамейка

«Гэтая зямля, яна ў маёй крыві, – сказаў 31-гадовы Джэймс Дамейка (James Domeyko). – Беларускія краявіды проста фенаменальныя. І колеры зямлі вельмі цікавыя. Пах паветра зусім іншы. Яно свежае, смачнае і прахалоднае».

Джэймс – музыка і акцёр. 9 кастрычніка ён выступае разам з гуртам «Вытокі» ў Доме Ваньковіча на вуліцы Інтэрнацыянальнай, 33A ў Менску. За час свайго візіту ён пранікся беларускай культурай.

«Я моцна ўражаны людзьмі, якія прыкладаюць столькі намаганняў для адраджэння беларускай культуры. І гэта неверагодна, што мой продак таксама хацеў гэтага», – сказаў Джэймс.

dameyki_4.jpg

Пас Дамейка наведала Беларусь у чацвёрты раз

Джэймса і ягонага брата больш за ўсё ўразілі мясціны, дзе Дамейка нарадзіўся і правёў дзяцінства: вёскі Мядзведка і Жыбуртоўшчына на Гродзеншчыне.

«Я не мог уявіць прыгажосць гэтых месцаў, – сказаў Джэймс. – Калі я пабачыў, дзе вырас Ігнат, я зразумеў ягоную сувязь з прыродай, яго любоў да гэтай зямлі».

Па словах Алеся Сушы, намесніка дырэктара Нацыянальнай бібліятэкі Беларусі, нашчадкі Дамейкі ўсё часьцей падкрэсьліваюць сваё беларускае паходжанне. Асабліва пасля леташняга візыту. Яны былі моцна ўражаныя, як іх тут прынялі.

«Дамейкі кажуць, што ў іх шмат агульных рыс з беларусамі», – сказаў Суша.

Пас Дамейка мяркуе, што больш за 20 нашчадкаў Ігната Дамейкі наведалі Беларусь за апошнія 20 год. І яна, і ўнукі думаюць, што прыедуць сюды яшчэ не раз.

«Я ўжо палюбіла гэтую зямлю, – сказала Пас. – Таму што Ігнат любіў яе. Я люблю гэтыя лясы, азёры, людзей. Мы ўсе закаханыя ў Беларусь».

Цяпер Дамейкаў з Беларусьсю звязвае не толькі гістарычная спадчына. Яны дамовіліся пра стварэньне міжнароднага фонду імя Ігната Дамейкі, які мае фундаваць стыпендыі для выбітных беларускіх студэнтаў, якія вывучаюць геаграфію. Пра гэта Свабодзе сказаў Аляксей Яротаў, старшыня Беларускага геаграфічнага таварыства.

Крыніца: Свабода

Чытайце таксама:
Назад на радзіму: у бібліятэцы правялі экскурсію для нашчадкаў Ігната Дамейкі

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

50 гадоў Першамайскаму раёну!

26 Чэр 2019

Пастановай Прэзідыума Вярхоўнага Савета Беларускай ССР ад 25 чэрвеня 1969 года і рашэннем № 141 Мінскага гарадскога савета дэпутатаў ад 10 ліпеня 1969 года “Аб межах адміністрацыйна-тэрытарыяльных раёнаў горада Мінска” быў арганізаваны Першамайскі раён г.Мінска.

Навіны Нацыянальнай бібліятэкі Беларусі

Прароцтвы Вераніцына

26 Чэр 2019

Паэма “Тарас на Парнасе” ўнікальная тым, што не толькі ў гісторыі беларускай літаратуры ХІХ ст. паказала селяніна-беларуса цалкам станоўчым героем, але яшчэ і таму, што зрабіла больш важнае, асабліва для нашага таталітарнага мінулага стагоддзя, адкрыццё.

Навіны бібліятэк

Напярэдадні 50-годдзя Першамайскага раёна ўзнагароды за прафесіяналізм уручылі супрацоўнікам бібліятэкі

25 Чэр 2019

24 чэрвеня прайшло ўрачыстае ўзнагароджанне супрацоўнікаў прадпрыемстваў і арганізацый Першамайскага раёна г. Мінска.

Навіны Нацыянальнай бібліятэкі Беларусі

Пяць вершаў Адаму Міцкевічу

25 Чэр 2019

У Баранавічах у выдавецтве Алены Хахол выйшла з друку невялікая, але сімпатычная і арыгінальная кніжачка “Адам Міцкевіч”. Яна складаецца з пяці вершаў, прысвечаных Адаму Міцкевічу – класіку польскай і беларускай літаратуры. Аўтар вершаў – сябра Саюза беларускіх пісьменнікаў і настаўніца Таццяна Яцук, якая жыве ў Баранавічах.

Навіны бібліятэк

Адкрыты бясплатны доступ да рэсурсу Cochrane Library

24 Чэр 2019

Віртуальная чытальная зала Нацыянальнай бібліятэкі паведамляе, што на тэрыторыі Беларусі на працягу 2019 года для ўсіх арганізацый адкрыты бясплатны доступ да электроннага інфармацыйнага рэсурсу Cochrane Library.

Навіны Нацыянальнай бібліятэкі Беларусі

Выйшла кніга, прысвечаная II Еўрапейскім гульням

23 Чэр 2019

Выдавецтва “Беларуская Энцыклапедыя імя Петруся Броўкі” падрыхтавала і выпусціла ў свет кнігу на беларускай і англійскай мовах “Спорт вышэйшых дасягненняў. ІІ Еўрапейскія гульні – свята міру, спорту, дружбы народаў Еўропы” ў серыі “Беларусь спартыўная”. Кніга атрымалася не проста цікавая, а ў многіх адносінах пазнавальная, з адмысловым высокамастацкім афармленнем.

Навіны бібліятэк

111