“Арт-каляндар 2015” дэманструе пашпартны фотаздымак, на абароце якога паэт прызнаецца ў каханні сваёй будучай жонцы, і фотаздымак яго таты, які быў знойдзены толькі пад час друкавання апошняй кнігі паэта.

Здымак таты быў надрукаваны толькі ў апошняй кнізе рукапісаў Барадуліна “Лепей”. Дагэтуль ён праляжаў у драўлянай валізе, з якой Барадулін некалі прыехаў з Вушачаў паступаць у Мінск на філфак. Здымак знайшлі пад час рыхтавання кнігі.

Рыгор Барадулін – апошні беларус, якому надалі званне народны паэт (1992). Узнагароджаны Дзяржаўнай прэміяй Беларусі імя Янкі Купалы (1976) за зборнік вершаў “Рум” і пераклады з Федэрыка Гарсіі Лоркі, Ордэнам Дружбы народаў, Ордэнам “Знак Пашаны”, латышскім Ордэнам Трох Зорак і медалём Францыска Скарыны. Барадулін з’яўляўся ганаровым доктарам БДУ, ганаровым грамадзянінам Ушацкага раёну.

У 2006 годзе кандыдатура Барадуліна была сярод намінантаў на Нобелеўскую прэмію ў галіне літаратуры (за зборнік вершаў “Ксты”).

Народны паэт Беларусі Рыгор Барадулін памёр 2 сакавіка 2014 года. Яму было 79 гадоў. Увесь Мінск развітваўся з пісьменнікам, яго пахавалі на малой радзіме – ва Ушачах.

У дзень нараджэння паэта зладзіцца музычна-літаратурная дзея "Песні матчыны з Вушаччыны".

Нацыянальнай бібліятэкай Беларусі да юбілею Рыгора Барадуліна арганізавана экспазіцыя "Пакуль баліць душа".

Чытайце таксама:

Фотапрызнанне ў каханні Рыгора Барадуліна да будучай жонкі

Інфармацыйныя рэсурсы

Паслугі