ГалоўнаяНавіныНавіны бібліятэк
Прэмію Наталлі Арсенневай уручаць 10 верасня
Брэст. 1000 гадоў гісторыі ў дакументах і матэрыялах

Фільм паводле кнігі Віктара Марціновіча атрымаў дзве ўзнагароды на кінафестывалі ў Невадзе

Фільм паводле кнігі Віктара Марціновіча атрымаў дзве ўзнагароды на кінафестывалі ў Невадзе
Іншыя навіны

Фільм Lake of Happiness беларускага рэжысёра Аляксея Палуяна паводле рамана Віктара Марціновіча “Возера радасці” атрымаў дзве ўзнагароды (“Best of the Fest” and “Best Narrative”) на кінафестывалі ў Невадзе (ЗША).

Пра гэта Віктар Марціновіч паведаміў на сваёй старонцы ў “Фэйсбуку”.

“Праз два тыдні фільм будзе паказаны на Drama International Short Film Festival у Грэцыі, пасля будзе іспанская прэм’ера ў Галіцыі (FICBUEU), потым партугальская прэм’ера ў Порту Beast International Film Festival, пасля зноўку Францыя – Dijon Film Festival, затым адбудзецца нямецкая прэм’ера на Hof International Film Festival, самым олдскульным фэсце, створаным у 60-я бацькамі нямецкай новай хвалі Фасбіндэрам, Гэрцагам, Вэндэрсам як канкурэнт „Бэрлінале“ (Берлінскі міжнародны кінафестываль. – РС) для прасоўвання новага аўтарскага нямецкага кіно", – расказаў Віктар Марціновіч.

Паводле пісьменніка, раней фільм Lake of Happiness быў паказаны на трох акрэдытаваных “Оскарам” фестывалях, і адмыслоўцы кажуць, што “ёсць вялікая імавернасць выстаўлення яго на ўзнагароду кінаакадэміі ў наступным годзе”.

У Беларусь “Возера радасці” прыедзе ў лістападзе.

Фільм, які з’яўляецца экранізацыяй часткі аднайменнай кнігі Віктара Марціновіча, апавядае пра дзевяцігадовую Ясю, жыццё якой кардынальна змянілася пасля смерці маці. Яся пачынае будаваць сваё новае жыццё пасля таго, як бацька адвозіць яе ў інтэрнат.

Галоўную ролю ў фільме выканала выхаванка магілёўскага інтэрнату Настасся Пляц. У ім таксама здымаліся вядомыя акцёры тэатра і кіно – Ігар Сігаў, Святлана Анікей, Аляксандр Малчанаў, Алена Зуй-Вайцяхоўская, Таццяна Мархель, Дзяніс Тарасенка ды іншыя.

У фільме гучыць музыка беларускага гурту Vuraj, музыкі якога ўзялі ўдзел у здымках.

Рэжысёр – Аляксей Палуян, які стала жыве і працуе ў Нямеччыне.

Крыніца: Радыё “Свабода”


Навіны

Беларускія кнігі перададзены ў Эстонію

24 Вер 2020

У рамках дабрачыннай акцыі “Пра Беларусь – беларусам замежжа” пры дапамозе Пасольства Рэспублікі Беларусь у Рэспубліцы Эстонія нацыянальна-культурным аб’яднанням гэтай краіны перададзена ў дар больш за 150 асобнікаў беларускіх выданняў.

Навіны Нацыянальнай бібліятэкі Беларусі

Размова з адвакатам аб ільготах і дапамозе маладым і шматдзетным сем’ям

23 Вер 2020

20 верасня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Маладыя і шматдзетныя сем’і: ільготы і дапамога”.

Навіны Нацыянальнай бібліятэкі Беларусі

24 верасня – 105 гадоў з дня нараджэння Габрыелі Пузыны, пісьменніцы, мемуарысткі, аўтара зборнікаў вершаў, апавяданняў, драм, камедый, успамінаў

24 Вер 2020

Постаць Альбіны Габрыелі Пузыны (1815–1869), адметная яркай творчай індывідуальнасцю, своеасаблівым мастацкім бачаннем свету, вылучаецца на фоне літаратурнага працэсу сярэдзіны XIX ст., робіць яго больш багатым, цікавым і разнастайным.

Па старонках беларускага календара

Новае краязнаўчае электроннае выданне бібліятэкі

22 Вер 2020

Выйшаў у свет чарговы кампакт-дыск з шэрагу электронных выданняў Нацыянальнай бібліятэкі Беларусі, якія знаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі.

Навіны Нацыянальнай бібліятэкі Беларусі

24 Вер 2020

У многіх аўтараў час ад часу запытваюцца пра тое, якім быў іх першы верш, як яны яго пісалі і чаму ўвогуле вырашылі напісаць. Можна лічыць, што момант, калі паэзія ўваходзіць у жыццё чалавека, становіцца вызначальным для далейшага шляху, у пэўным сэнсе прадказвае творчы лёс. Але, здаецца, далёка не для ўсіх момант напісання першага верша варта лічыць нечым значным.

Навіны бібліятэк

22 Вер 2020

Сёлета Нацыянальная  літаратурная прэмія  ў намінацыі “Літаратурная крытыка і літаратуразнаўства” была прысуджана  Івану Саверчанку за кнігу  “Магія слова. Беларускія пісьменнікі ХІІ–ХVII стагоддзяў: эсэ”.

Навіны бібліятэк

21 Вер 2020

Мінулы тыдзень у нашай краіне прайшоў пад эгідай правядзення агульнарэспубліканскага Дня бібліятэк. Насамрэч, бібліятэчная справа ў культурным кантэксце і пасёння застаецца важкай і патрэбнай.

Навіны бібліятэк

Маргарыта Латышкевіч: Люблю марыць, а часам і падурэць

23 Вер 2020

Яна – паэтка, пісьменніца, даследчыца, фалькларыстка, аўтарка шэрагу кніг («Яблыкі», «Наш дом», «Там, дзе сэрца»), а да таго ж лаўрэатка Нацыянальнай літаратурнай прэміі. Але гэта ўсё фармальнасці, бо ў яе творах вы акуняцеся ў магію і шчырасць у розных формах, жанрах і відах. Дзе шукаць беларускую міфалогію, як выйсці за межы кнігі, расказала суразмоўніца.

Навіны бібліятэк

111