25 красавіка ў Рэспубліканскай навукова-тэхнічнай бібліятэцы адбудзецца навуковае кафэ “Экалагічны менеджмент як элемент устойлівага развіцця арганізацыі”.
Мерапрыемства праводзіцца грамадcкім аб’яднаннем “Жыццё пасля Чарнобыля” ў супрацоўніцтве з Рэспубліканскай навукова-тэхнічнай бібліятэкай (РНТБ) пры падтрымцы Дзяржаўнага камітэта па навуцы і тэхналогіях, Мінскага міжнароднага адукацыйнага цэнтра імя Й. Раў і Праграмы падтрымкі Беларусі Федэральнага ўрада Германіі ў межах Тыдня ўстойлівага развіцця – 2013, які праходзе з 20 па 28 красавіка 2013 года пад лозунгам “Партнёрства ў дзеянні”.
Чарговае пасяджэнне навуковага кафэ прысвечана тэме экалагічнага менеджменту як складовага элемента стратэгіі ўстойлівага развіцця арганізацыі і яго ролі для сацыяльных устаноў, а таксама мясцовых улад, якія ўсведамляюць неабходнасць змянення свядомасці людзей (грамадзян, навучэнцаў, студэнтаў, кліентаў і г.д.) для станоўчых змен у агульнай экалагічнай сітуацыі і, у прыватнасці, памяншэння спажывання энергарэсурсаў, а таксама магчымасці ажыццяўлення грамадскай экалагічнай сертыфікацыі “Белы бусел”. У мерапрыемстве возьмуць удзел прадстаўнікі грамадскіх арганізацый: “Экапартнёрства”, “Наш след”, “Цэнтр экалагічных рашэнняў”, “Эканамічны Полюс”. Гэта дапаможа прысутным бліжэй пазнаёміцца з дзейнасцю і магчымасцямі грамадскіх экалагічных арганізацый Беларусі, каб выкарыстоўваць метадычны патэнцыял апошніх у працы дзяржаўных сацыяльных устаноў і мясцовых улад для паляпшэння агульнай экалагічнай сітуацыі.
У межах кафэ адбудзецца тэлемост з горадам Жодзіна,пад час якога ўдзельнікі пасяджэння пазнаёмяцца з меркаваннем экспертаў з Германіі.
У межах інфармацыйнай падтрымкі мерапрыемства будзе прадстаўлена тэматычная выстаўка літаратуры з фонду бібліятэкі па ўстойлівым развіцці РНТБ.
Да ўдзелу ў навуковым кафэ запрашаюцца прадстаўнікі мясцовых улад, а таксама прадстаўнікі самых розных арганізацый, якія працуюць з людзьмі (навучальныя ўстановы, установы аховы здароўя, бібліятэкі, атэлі, банкі і інш.).
Умовы удзелу, рэгістрацыйная форма для заявак, а таксама праграма навуковага кафэ і магчымыя змяненні ў ёй размешчаны на сайце http://www.rlst.org.by/ .
Кантакты арганізатараў:
Загадчык аддзела камунікацый і інфармацыі па ўстойлівым развіцці РНТБ – Вольга Кулік, тэл.: (8 017) 203 34 80, (8 029) 636 90 02, факс:(8 017) 203 31 38, e-mail: obm@rlst.org.by .
Менеджар праектаў ГА “Жыццё пасля Чарнобыля“ – Ларыса Якавюк, тэл.: (8 017) 71 76 398; (8 029) 335 57 08, e-mail: lar-yakoviuk@yandex.by .
Мерапрыемства пройдзе па адрасе: г. Мінск, пр. Пераможцаў, 7, пакой 503.