11 кастрычніка ў Беларусі пачаўся вялікі рэспубліканскі конкурс “Чытаем па-беларуску з velcom”.
Сёлета да ўдзелу ў праекце запрашаюцца вучні 7–8 класаў школ і гімназій з усёй краіны.
Удзельнікам прапаноўваецца запісаць відэа, дзе яны чытаюць твор са школьнай праграмы па беларускай літаратуры. Гэта можа быць як паэзія, так і проза. Затым трэба размясціць яго на асабістай старонцы ў адной з сацыяльных сетак (ВКонтакте, Facebook, Instagram) з хэштэгам #чытаемзвэлком або #чытаемзvelcom, а таксама выслаць спасылку на публікацыю на афіцыйны адрас конкурсу – movakonkurs@gmail.com. Відэазапісы ўдзельнікаў прымаюцца да 30 лістапада 2017 года.
У гэты час па хэштэгам конкурсу ўжо можна знайсці шмат цікавых відэа, якія дасылаюць вучні. А мы штотыднёва будзем знаёміць нашых чытачоў з самымі яскравымі відэа. Дзівіцеся, якія таленавітыя дзеці жывуць у нашай краіне!
Бандарэвіч Марыя з школы № 46 г. Віцебска прачытала верш Еўдакіі Лось “Дзяўчаты мінулай вайны”. Гэтае прачытанне кране ваша сэрца!
Галко Яна і Зелянкевіч Дар’я з Прыволенскай сярэдняй школы абралі верш Аркадзя Куляшова “Бывай”. Як цудоўна атрымоўваецца, калі дзве сяброўкі на фоне восеньскага лесу чытаюць па-беларуску… Любата!
Ерашкова Яніна з г. Крычава чытае твор Рыгора Барадуліна “Бацьку”. Звярніце ўвагу, з якімі пачуццямі дзяўчынка прачытала гэты твор. Не кожны дарослы так здолее!
Кавалеўскі Арцём з школы № 67 г. Мінска прачытаў урывак з апавядання Васіля Быкава “Незагойная рана”. Вельмі добры прыклад таго, што заяўляць на конкурс можна не толькі вершы, але і прозу!
Лажко Валерыя з Навагрудскай школы № 7 абрала твор Янкі Купалы “Курган”. Валерыя адзначыла, што ўдзельнікам конкурсу дазваляецца выкарыстоўваць касцюмы, і апранула нацыянальнае беларускае адзенне і прыгожы вянок!
Дарагія чытачы, кожны тыдзень мы будзем знаёміць вас з новымі цікавымі відэа ўдзельнікаў праекта “Чытаем па-беларуску з velcom”. Кожны з вас таксама можа запісаць на відэа беларускі твор у падтрымку конкурсу і размясціць яго на сваёй асабістай старонцы ў сацыяльнай сетцы з адным з афіцыйных хэштэгаў праекта – #чытаемзвэлком або #чытаемзvelcom.
Крыніца: "Аргументы і факты" ў Беларусі
Чытайце таксама:
- Адбыўся фінальны этап праекта “Чытаем па-беларуску з velcom”
- Праходзіць апытанне аб вобразе сучаснай беларускай літаратуры
- Праект MOVABOX прадставіў кнігу Андруся Горвата ў Купалаўскім тэатры
- Поэт Виктор Жибуль стал героем проекта MOVABOX
- MOVABOX стал доступен и юным читателям
- Второй этап литературного проекта MOVABOX
- У кавярнях Мінска з’явіліся паліцы для буккросінгу з беларускай літаратурай
- Праект MOVABOX змяняе ўяўленне пра беларускую літаратуру
