ГалоўнаяНавіныНавіны бібліятэк
“Купала”: пяць цікавостак пра нацыянальны кінапраект
Як Іван Луцкевіч да сваіх вяртаўся

Дзень беларускага пісьменства аб'яднае Сапегу, Агінскіх і Быкава

Дзень беларускага пісьменства аб'яднае Сапегу, Агінскіх і Быкава
Іншыя навіны

Тут будзе ўсё – не толькі ўласна Слова, якому Дзень беларускага пісьменства прысвечаны, але і навуковая канферэнцыя, гістарычны квэст, хросны ход, адноўлены друкарскі станок XVІ стагоддзя, адкрыццё помніка Льву Сапегу, песні-танцы і, канешне, вытанчаныя стравы, прычым рэцэпты іх знойдзеныя ў мастацкіх кнігах.

Штогадовае свята, якое традыцыйна адзначаецца ў першыя выхадныя верасня, збірае гасцей з усёй Беларусі, а таксама з блізкага і далёкага замежжа. А між тым арганізатары мерапрыемства дзеляцца падрабязнасцямі яго новага “выдання”.

Паколькі фестываль пастаянна вандруе, кожны год ён мае магчымасць засяродзіцца на ўнёску ў беларускую ідэнтычнасць канкрэтных зямель. Гэтым разам Слонімшчына і ў цэлым Гродзеншчына прадстануць на Дні пісьменства ва ўсіх магчымых іпастасях. 31 жніўня і 1 верасня тут пройдзе шэраг у тым ліку традыцыйных мерапрыемстваў, але асвецяць іх Леў Сапега і Статут ВКЛ, які выдаваўся пры яго непасрэдным удзеле, Міхал Казімір Агінскі і заснаваны ім оперны тэатр, Алег Лойка і яго творчасць.

Пачнецца свята з афіцыйнага адкрыцця кнігарні “Санет”, якая ў тэставым рэжыме ўжо працуе і, па словах арганізатараў, атрымлівае добрыя водгукі наведвальнікаў. Дарэчы, толькі ў Гродзенскай вобласці да Дня пісьменства выдадзена каля дзесяці кніг.

“Цырымонія ўрачыстага адкрыцця, – паведаміла прадстаўніца Міністэрства культуры Ірына Дрыга, – стане мастацка-гістарычнай дзеяй, пабудаванай на яркіх старонках і постацях з гісторыі Слонімшчыны і Гродзеншчыны, літаратурных асобах з усёй краіны – Міцкевічу, Быкаве, Караткевічу ды іншых”.

Менавіта падчас цырымоніі адкрыцця адбудзецца ўручэнне Нацыянальнай літаратурнай прэміі, а таксама перадача ад прыватнай асобы гораду перакладзенага ў 1916 годзе на рускую мову Статута ВКЛ 1588 года. “Праз «Паланэз» Міхала Клеафаса Агінскага будзе перакінуты мосцік да ўсіх грамадска-палітычных дзеячаў і прадстаўнікоў культуры, якія ў XVІІІ–XІX стагоддзях шмат зрабілі для нашай літаратуры і літаратурнай мовы”, – дадала Ірына Дрыга.

Госці свята змогуць набыць кнігі, паслухаць пятнаццаць фіналістаў конкурсу юных чытальнікаў “Жывая класіка”, паўдзельнічаць у адмысловым квэсце “Код Сапегі”, у якім можна будзе перамяшчацца ў часе і запаўняць прабелы гісторыі. Традыцыйнай часткай свята з'яўляецца Старажытны друкарскі двор Уладзіміра Ліхадзедава, дзе кожны ахвотны можа вырабіць паперу па тэхналогіі XVІ стагоддзя і на адноўленым друкарскім станку адціснуць першую старонку Бібліі Францыска Скарыны. Гісторык і калекцыянер Уладзімір Ліхадзедаў таксама прадставіць арыгінальную друкарскую тэхніку XVІІІ–XX стагоддзяў і кнігі пра Слонім, Гродна і Навагрудак з уласнай серыі “У пошуках страчанага”, у якіх гісторыя гэтых гарадоў расказваецца праз калекцыйныя паштоўкі і фатаграфіі.

Навуковая канферэнцыя “Слонімскія чытанні”, як водзіцца, агучыць напрацоўкі навуковых колаў у вобласці літаратуры і мовазнаўства, прычым тэмы будуць датычыцца Слонімшчыны – напрыклад, мясцовых гаворак, спецыфікі прозвішчаў рэгіёна, археалагічных даследаванняў, Жыровіцкага евангелля, творчасці Алега Лойкі. Дырэктар Інстытута мовазнаўства імя Якуба Коласа Нацыянальнай акадэміі навук Ігар Капылоў сказаў, што канферэнцыя ўключыць у сябе дваццаць шэсць дакладаў гісторыкаў, мовазнаўцаў, літаратуразнаўцаў, археолагаў, этнографаў, слонімскіх краязнаўцаў і настаўнікаў.

Традыцыйны міжнародны круглы стол, які за сваю гісторыю змог аб'яднаць творчыя колы постсавецкай прасторы і далёкага замежжа, гэтым разам запрасіў удзельнікаў з Грузіі, Італіі, Украіны, Казахстана, Кітая, Польшчы, Азербайджана, Літвы, Расіі, Сербіі і Узбекістана. Прадстаўнік праекта, дырэктар выдавецтва “Мастацкая літаратура” Алесь Бадак анансаваў удзел народнага пісьменніка Азербайджана Чынгіза Абдулаева і польскага пісьменніка і журналіста Яцэка Палкевіча.

Новыя арт-аб'екты, графіці на сценах дзевяці дамоў (з подпісамі цяпер ужо на беларускай мове), а таксама помнік Льву Сапегу, які чакае афіцыйнага адкрыцця падчас Дня пісьменства, ужо займаюць сваё месца ў Слоніме.

На канцэрце закрыцця, дзе выступяць зоркі беларускай эстрады, гаспадары свята перададуць эстафету Бялынічам.

Аўтар публікацыі: Сафія Палянская.

Крыніца: Звязда

Навіны

“Мы зарунелі на беларускіх загонах”: раннія творы маладнякоўцаў у беларускіх газетах 1917–1922 гг.

22 Вер 2019

Газеты можна параўнаць з летапісамі – на іх старонках занатаваны падзеі, якія пакінулі след у гісторыі, праз іх мы можам зазірнуць у мінулае і адчуць яго атмасферу. Паспрабуйма з дапамогай беларускіх газет 1917–1922 гадоў прасачыць, як сталелі тыя, хто ўвайшоў у склад Усебеларускага літаратурнага аб’яднання паэтаў і пісьменнікаў “Маладняк”.

Навіны бібліятэк

Які лёс беларускіх прыватных бібліятэк?

20 Вер 2019

Зборнік “Рэха беларускіх кнігазбораў: лёсы прыватных бібліятэк” выйшаў у свет у пачатку года. У ім сабраны гісторыі прыватных кніжных калекцый Беларусі пачынаючы з XVI стагоддзя. Гэтыя гісторыі гучаць досыць рэдка, пра іх мала хто ведае, аднак гэта толькі павялічвае той інтарэс, які ўзнікае пры іх прачытанні.

Навіны Нацыянальнай бібліятэкі Беларусі

Палюбіць беларускую камедыю: да 100-годдзя са дня нараджэння літаратуразнаўцы Якуба Усікава

20 Вер 2019

20 верасня споўнілася б 100 год са дня нараджэння беларускага літаратуразнаўцы, крытыка і педагога Якуба Усікава. Сваю навуковую дзейнасць ён прысвяціў беларускай драматургіі, у прыватнасці, камедыі.

Аўтарскі погляд

Нацыянальная бібліятэка далучылася да дзён расійскай духоўнай культуры

19 Вер 2019

19 верасня ў бібліятэцы прайшоў шэраг мерапрыемстваў у рамках форуму “Гістарычная, культурная і духоўная еднасць расійскага і беларускага народаў”, прымеркаванага да дзён расійскай духоўнай культуры.

Навіны Нацыянальнай бібліятэкі Беларусі

Сустрэча з адвакатам “Статус маладога спецыяліста: правы і гарантыі”

19 Вер 2019

18 верасня 2019 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Статус маладога спецыяліста: правы і гарантыі”.

Навіны Нацыянальнай бібліятэкі Беларусі

Візіт настаўнікаў беларускай мовы з Польшчы

19 Вер 2019

18 верасня для настаўнікаў беларускай мовы з Польшчы ў бібліятэцы ў межах семінара “Актуальныя пытанні вывучэння сучаснай беларускай мовы” былі арганізаваны музейныя заняткі. Сустрэча была ініцыіравана Акадэміяй паслядыпломнай адукацыі.

Навіны Нацыянальнай бібліятэкі Беларусі

Віртуальная чытальная зала працягвае знаёміць з рэсурсамі, прысвечанымі айчынным майстрам паэзіі і прозы

19 Вер 2019

Віртуальны музей Аркадзя Куляшова “Сэрца, дзе ўсёй зямлі трывога...” – гэтымі словамі паэта-класіка Аркадзя Куляшова звяртаем увагу аматараў слоўнай творчасці на персанальныя інфармацыйныя рэсурсы дзеячаў літаратуры Беларусі – М. Гарэцкага, А. Куляшова, У. Скарынкіна.

Навіны Нацыянальнай бібліятэкі Беларусі

111