ГалоўнаяНавіныНавіны бібліятэк
Прыйшла пара дзейнічаць: захаваем свет дзікай прыроды!
“Мова Нанова” запусціла анлайн-урокі беларускай мовы

Даследчык спадчыны Францішка Багушэвіча

Даследчык спадчыны Францішка Багушэвіча
Іншыя навіны

Літаратуразнавец Уладзімір Ільіч Содаль кіраваў тэлестудыяй “Ліцэй”, вёў перадачу “ Роднае слова”, яго пяру належаць кнігі і альбомы: “Сцежкамі Мацея Бурачка”, “Жупранская старонка”, “Святы куточак фальварак Свіраны”, “Францішак Бенядзікт Багушэвіч – жыццё і творчасць”, “Волат з Мігаўкі”, “Вінцэнт Якуб Дунін-Марцінкевіч: жыццё і творчасць” і іншыя, якія адкрывалі невядомыя старонкі жыцця нашых літаратурных класікаў. Радавалі і ўсцешвалі чытачоў кніжачкі “Умей слухаць”, “Анекдоцік у роцік” з народнымі апавяданнямі, досціпамі, пацешкамі.

Sodal-1.jpgЯго героямі былі народны заступнік, адвакат і паэт Францішак Багушэвіч, яго жонка Габрыэля Шклёнік, дзеці – Туня і Тамаш, унучка – Станіслава Тамашэўская. Пісьменнік не аднойчы едзіў і хадзіў сцежкамі Мацея Бурачка ў Жупранах, Кушлянах, Вільні.

“Было гэта ў годзе шэсцьдзясят дзявятым… – узгадваў даследчык. – Я тады толькі шчэ пачынаў на тэлевізіі. Быў якісь пачатак, штуршок, імпульс. Я пацягнуўся да Багушэвіча, інтуітыўна адчуў якуюсь гарманічнасць гэтай асобы з яго словам, думкай, настроямі. Памятаю, склаў сцэнар, уключыў у яго Багушэвічавы творы.

За колькі апошніх дзесяцігоддзяў я намножыў такі багаты матэрыял пра Францішка Багушэвіча, яго асяроддзе, што сам патанаю ў ім. Гэтых папак у мяне за дзвесце. У першай – фотаздымкі, у другой – копіі розных дакументаў, юрыдычныя, радаводныя, у трэцяй – копіі аўтографаў F.B. У чацвёртай – матэрыялы пра ўсе мясціны, з якімі звязаны жыццёвыя і творчыя пуцявіны Францішка Багушэвіча – Варшава, Дрэздан, Люксембург, Львоў, Галіцкая Русь, Трокі. У пятай – запісы сустрэч з кушлянцамі, а таксама з людзьмі, для якіх творы Францішка Багушэвіча – гэта як глыток вады ў спёку, – распавядаў У. І. Содаль у 2005 годзе.

Sodal-4.jpgМая апантанасць Багушэвічам вынікае з высокіх грамадзянскіх пазіцый Францішка Багушэвіча. І не толькі. Яна з адчування гарманічнай цэльнасці гэтай асобы. Гэтую цэльнасць адчувалі і яго сучаснікі. Да яго асобы гарнуліся людзі самых розных заняткаў – прадпрымальнікі, юрысты, літаратары, мастакі, журналісты. Для ўсіх ён быў непаўторным аўтарытэтам. Францішак Багушэвіч, яго літаратурная і юрыдычная спадчына – гэта той грунт, на якім я прарос як даследчык, можа, нават падсвядома я жыву па яго маральных прынцыпах”, – пісаў Уладзімір Ільіч Содаль.

Творчая спадчына Багушэвіча, яго творчае асяроддзе для даследчыкаў – гэта неабсяжны акіян самых разнастайных імпульсаў!” – адзначаў даследчык.

Sodal-2.jpgПрэзентацыю ў Нацыянальнай бібліятэцы Беларусі электроннага праекта “Не пакідайце ж мовы нашай беларускай”, прысвечанага 180-й гадавіне з дня народзінаў Францішка Багушэвіча, наведалі родныя вядомага літаратуразнаўцы Уладзіміра Ільіча Содаля: яго ўдава Клара Барысаўна Содаль, яе сястра Галіна, дзеці Аксана і Марат.

– Я вельмі задаволена, што за чатыры гады, якія прайшлі пасля адыходу Уладзіміра Ільіча, мы паставілі яму помнік і выдалі кнігу ўспамінаў пра яго, якая таксама з’яўляецца помнікам і падарункам яму ад нас, – распавяла Клара Барысаўна.

Сям’я Содаляў перадала асобнікі новай кнігі “Буйніцы і драбніцы” і ранейшыя выданні пісьменніка ў залю беларускай літаратуры.

Аўтар публікацыі: Эла Дзвінская, фота аўтара.

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

30 сакавіка 1945 года. 41 дзень да Перамогі

30 Сак 2020

Узяцце Данцыга (Гданьска) і лісты-падзякі з Польскай рэспублікі. Падрыхтоўка тарфянікаў да сезону. Папаўненне ў Беларускім дзяржаўным музеі гісторыі Вялікай Айчыннай вайны. Дыспут у чытальнай зале бібліятэкі Дома партыйнай асветы. Газеты: “Звязда” (№№ 58, 59), “Советская Белоруссия” (№№ 57, 58, 60), “Совецкая радзіма” (№ 49).

Праект “100 дзён да Вялікай Перамогі. Па старонках беларускіх газет 1945 г.”

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

111