Пастановай Вышэйшай атэстацыйнай камісіі Рэспублікі Беларусь (ВАК РБ) ад 28 лютага 2014 г. № 3 зацверджана новая Інструкцыя аб парадку афармлення кваліфікацыйнай навуковай работы (дысертацыі) на саісканне вучоных ступеняў кандыдата і доктара навук, аўтарэферата і публікацый па тэме дысертацыі.
Інструкцыя аб парадку афармлення кваліфікацыйнай навуковай работы (дысертацыі) на саісканне вучоных ступеняў кандыдата і доктара навук, аўтарэферата і публікацый па тэме дысертацыі ўступіла ў сілу 25 чэрвеня 2014 г., з моманту афіцыйнага апублікавання дакумента.
Звяртаем вашу ўвагу на тое, што дысертацыйныя работы, прадстаўленыя па заявах саіскальнікаў вучоных ступеняў да папярэдняй экспертызы пасля 25 чэрвеня 2014 г., павінны быць аформлены ў адпаведнасці з вышэйназванай пастановай.
Інструкцыяй унесены змены ў правілы апісання крыніц, выкарыстаных у навуковай рабоце, пашыраны відавы склад прыкладаў. Новыя ўзоры афармлення бібліяграфічнага апісання размешчаны на сайце ВАК (загад Вышэйшай атэстацыйнай камісіі Рэспублікі Беларусь ад 25.06.2014 № 156).
Нагадваем, што спецыялісты Нацыянальнай бібліятэкі Беларусі штомесяц праводзяць бясплатныя заняткі для саіскальнікаў па афармленні бібліяграфіі да навуковай работы ў адпаведнасці з патрабаваннямі ВАК РБ. Заняткі праводзяцца ў 18.00 кожную апошнюю сераду месяца ў памяшканні № 308.
Па папярэдняй заяўцы прадугледжана арганізацыя групавых заняткаў як на тэрыторыі бібліятэкі, так і з выездам у межах Мінска.
Даведкі па тэлефоне: (8 017) 293 27 40.
