Традыцыйна Фундаментальная бібліятэка Беларускага дзяржаўнага універсітэта ладзіць ноч у бібліятэцы ў лістападзе, з нагоды святкавання Міжнароднага дня студэнтаў.

У гэтым годзе Фундаментальная бібліятэка вырашыла падтрымаць ініцыятыву правядзення Міжнароднай бібліяночы. Упершыню ў мерапрыемстве прымаюць удзел ПЯЦЬ бібліятэк Беларусі. Кожная бібліятэка мае свой тэматычны накірунак.

Тэма Фундаментальнай бібліятэкі БДУ: "Сучасны дакументальны экран. Смачныя гісторыі".

Мы прапануем вам:

паглядзець фільм "Гісторыя беларускай страўні" і сустрэцца з яго стваральнікамі;
паслухаць і прачытаць "смачныя гісторыі";
паслухаць выступленне фальклорнага ансамбля народнай песні;
узяць удзел у майстар-класе па прыгатаванні цукерак з бульбы па аўтарскім рэцэпце эксперта Алены Мікульчык, якая далучае да культуры беларускай кухні не толькі беларусаў, але і тых, хто пражывае далёка за межамі Беларусі;
правесці фотасесію ў тэматычнай зоне сэлфі;
паўдзельнічаць у квэсце, конкурсах, віктарынах, крыжаванках і інш.

І заявіць сябе знаўцамі традыцый нацыянальнай кухні беларусаў.

А самыя актыўныя і эрудзіраваныя ўдзельнікі атрымаюць копію фільма з аўтографам рэжысёра.

УВАХОД ВОЛЬНЫ

Мы чакаем вас 22 красавіка 2016 г., а 19-й гадзіне ў медыятэцы Фундаментальнай бібліятэкі будынка Інстытута журналістыкі БДУ (вул. Кальварыйская, 9, пам. 108).

Абяцаем – сумаваць не давядзецца!

Сачыце за інфармацыяй на нашым сайце, а таксама ў групе на Фэйсбуку.

Інфармацыя пра мерапрыемствы, якія адбудуцца на ўсіх пяці бібліятэчных пляцоўках:
https://www.facebook.com/events/1725622830988098/
https://vk.com/biblionoch_minsk_2016

Крыніца: Фундаментальная бібліятэка БДУ

Чытайце таксама:

Бібліяноч у Фундаментальнай бібліятэцы БДУ

Інфармацыйныя рэсурсы

Паслугі