ГалоўнаяНавіныНавіны бібліятэк
Выбарчае заканадаўства і выбары ў сучасным свеце
Бэтмен супраць Быкава: масавае і элітарнае

Беларусы ініцыявалі ўсталяванне помніка Яну Баршчэўскаму ва Украіне

Беларусы ініцыявалі ўсталяванне помніка Яну Баршчэўскаму ва Украіне
Іншыя навіны

Дабрачынны Фонд Марыі Магдалены Радзівіл паставіць ва Украіне помнік беларускаму пісьменніку XIX стагоддзя Яну Баршчэўскаму – нядаўна ў Чуднаве на Жытоміршчыне знайшлі надмагільную пліту і дакументы аб смерці Яна Баршчэўскага.

Прэзідэнт фонду Аляксандр Сапега расказаў, што макет помніка – калоны і бюст з бронзы – ужо зроблены і высланы ўладам горада Чуднава. Паразуменне з адміністрацыяй ёсць, дадаў Сапега.

Цяпер разглядаецца пытанне аб тым, каб у помніку скарыстаць і надмагільную пліту, што захоўваецца ў Саюзе палякаў у Жытоміры. Паводле Сапегі, у гэтым пытанні супольнага адназначнага рашэння з палякамі, якія перахоўваюць пліту, няма, абяцаная рэстаўрацыя пліты яшчэ не зроблена. Гаспадаром пліты ёсць дзяржава, бо пліта лічыцца гісторыка-культурнай каштоўнасцю.

“Калі будзе прынята рашэнне, што ў гэтай канцэпцыі мы можам ужыць надмагільную дошку, будзем разбірацца з дошкай, і тады пачнецца выраб скульптуры”, – растлумачыў Сапега.

Дакладнае месца пахавання Яна Баршчэўскага не вядома, але дакументы пацвярджаюць, што пісьменнік пахаваны на могілках касцёла, які зруйнаваны савецкай уладай у 1935–1936 гадах і знаходзіўся паблізу падворку, дзе і знайшлі надмагільную пліту.

Крыніца: Саюз беларускіх пісьменнікаў
Навіны

Да 23 лютага гендырэктар бібліятэкі стаў госцем перадачы “Арсенал”

24 Лют 2020

У эфіры тэлеканала ВаенТБ генеральны дырэктар Нацыянальнай бібліятэкі Беларусі Раман Матульскі адказаў на пытанні вядучага аб тым, як выглядае вайна ХХI стагоддзя, у чым прычына гістарычных супярэчнасцей і як знайсці ў зменлівай сістэме каардынатаў пункты апоры.

Навіны Нацыянальнай бібліятэкі Беларусі

23 Лют 2020

Усіх нас можна ўмоўна падзяліць на “чытачоў” і “гледачоў”. Звычайна тыя, хто спачатку прачытаў кнігу, рэдка бываюць задаволены экранізацыяй, маўляў, рэжысёр не передаў і паловы. А “глядач” кажа, што кнігі чытаць – час марнаваць: куды лепш паглядзець фільм. Прапаную параўнаць класічныя творы беларускай літаратуры з іх кінаверсіяй, каб усё ж такі зразумець, з чаго пачаць – з кнігі ці кінастужкі.

Навіны бібліятэк

Памiж iмпрэзай i шапiкам

22 Лют 2020

21 лютага мы адсвяткавалі Дзень роднай мовы. Некалi Вальтэр сказаў: “Усе найгалоўныя замежныя мовы можна вывучыць за шэсць гадоў, але для вывучэння сваёй недастаткова i цэлага жыцця”.

Навіны бібліятэк

Сустрэча з адвакатам аб захаванні інтарэсаў непаўналетніх пры разводзе і падзеле маёмасці

21 Лют 2020

20 лютага 2020 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Непаўналетнія: захоўваем інтарэсы пры разводзе і падзеле маёмасці”.

Навіны Нацыянальнай бібліятэкі Беларусі

111