Паводле найбуйнейшага кінапарталу imdb.com адна беларуская карціна стала ўваходзіць у спіс самых рэйтынгавых кінафільмаў. Яна апярэджвае “Андрэя Рублёва” Таркоўскага, “Персону” Бергмана і “Тэрмінатара” з Арнольдам Шварцэнегерам. Што гэта за стужка?
Карціна Элема Клімава “Ідзі і глядзі”, знятая на “Беларусьфільме” ў 1985 годзе паводле сцэнару Алеся Адамовіча, уваходзіць у спіс 250 лепшых кінакарцін свету. Яна мае там высокі рэйтынг – 8,1 балаў з 10 (разам з такімі класічнымі стужкамі, як “Знесеныя ветрам” 1939 года, “Фарга” 1996 і “Бягун па лязу брытвы” 1982).
Беларускі фільм займае ў спісе 167 месца. Хаця з выхадам новых кінакарцін рэйтынг на партале мяняецца, ваенная драма “Ідзі і глядзі” стала займае высокія пазіцыі сярод усіх адзначаных у інтэрнэт-даведніку.
У 2017 годзе адбылася паўторная прэм’ера стужкі на Венецыянскім кінафэсце, дзе была паказана адрэстаўраваная і алічбаваная версія карціны. У красавіку 2019 года адрэстаўраваная версія “Ідзі і глядзі” была прадстаўлена ў Францыі.
Сцэнарый Алеся Адамовіча заснаваны на яго "Хатынскай аповесці", напісанай паводле дакументальных фактаў. Твор складаецца з успамінаў жывых сведак спалення беларускіх вёсак, партызанаў, падпольшчыкаў. Трагічныя падзеі паказаны вачамі 16-гадовага падлетка Флёры (ролю бліскуча выканаў Аляксей Краўчанка). Алесь Адамовіч і сам у 15-гадовым узросце стаў падпольшчыкам, а пазней – партызанам.
Узнагароды
|
Дата |
Цырымонія |
Месца |
Прэмія |
Лаўрэаты і намінанты |
Вынікі |
|
1985 |
XIV Маскоўскі кінафестываль |
Масква, СССР |
“Залаты прыз” (залаты медаль) |
Элем Клімаў |
Перамога |
|
Прыз FIPRESCI (Міжнароднай федэрацыі кінапрэсы) |
Элем Клімаў |
Перамога |
|||
|
1985 |
I Міжнародны кінафестываль “Фестроя” |
Сетубал, Партугалія |
Спецыяльны прыз |
“Ідзі і глядзі” |
Перамога |
|
1986 |
XIX Усесаюзны кінафестываль |
Алма-Ата, СССР |
Галоўны прыз журы |
Элем Клімаў |
Перамога |
|
Прыз “За лепшае гукавое рашэнне” |
Віктар Морс |
Перамога |
|||
|
Прыз “За лепшае выяўленчае рашэнне” |
Аляксей Радзівонаў |
Перамога |
|||
|
Віктар Пятроў |
Перамога |
||||
|
1986 |
“Лепшы фільм года” па апытанні часопіса “Советский экран” |
Масква, СССР |
Першае месца |
“Ідзі і глядзі” |
Перамога |
|
2017 |
Венецыянскі кінафестываль |
Венецыя, Італія |
Прыз “Венецыянская класіка” за лепшы адрэстаўраваны фільм |
“Ідзі і глядзі” |
Перамога |
Аўтар публікацыі: Андрэй Расінскі.
Крыніца: Новы час
