ГалоўнаяНавіныНавіны бібліятэк
Нарматыў ніхто не адмяняў…
Бібліятэкі Беларусі і фарміраванне інфармацыйнай культуры навучэнцаў і студэнтаў

Беларуская пісьменніца ўдастоена амерыканскай прэміі

Беларуская пісьменніца ўдастоена амерыканскай прэміі
Іншыя навіны

У ЗША прысуджана выдавецкая прэмія аўтару часопісаў “Маладосць” і “Нёман” празаіку Алене Брава.


Штогод 29 студзеня амерыканскае выдавецтва Frаnс-Tіrеur USА адзначае прэміяй “Вольны стралок: Сярэбраная куля” лепшыя кнігі выдавецкага года.

Сёлета Міжнародная прэмія Frаnс-Tіrеur USА – Sіlvеr Bullеt 2013 – і адпаведны статус “Франтырор-2013” прысуджаны Алене Брава “па сукупнасці выдадзенага і ў перспектыве чаканага”. У 2012 годзе і на пачатку 2013-га ў Алены выйшлі ў ЗША на рускай мове кнігі “Любовь в тени казарм Монкадо” , “Спектакль в черном театре” і “Менада и ее сатиры”. Усе творы на рускую мову перакладзены самім аўтарам.

Рашэнне аб прысуджэнні прэміі ў дзень нараджэння А.П. Чэхава, Б.Л. Пастэрнака і самога выдавецтва прымае міжнародная рада, у склад якой уваходзяць пісьменнікі і славісты Марына Камі (ЗША), Сяргей Юр’енен (ЗША), Дзмітрый Бавільскі (Расія), Мікалай Бокаў (Францыя), Аляксандр Кабакоў (Расія), Марыа Корці (Італія), Элен Менегальда (Францыя), Андрэй Назараў (Данія), Міхаіл Эпштэйн (ЗША).

Сёлета выдавецтву Frаnс-Tіrеur USА споўнілася пяць гадоў. Яго стваральнік і заснавальнік прэміі “Вольны стралок: Сярэбраная куля” – вядомы пісьменнік Сяргей Юр’енен, лаўрэат некалькіх міжнародных літаратурных прэмій, у тым ліку “Рускай прэміі” 2009 года, аўтар раманаў “Вольны стралок”, “Парушальнік мяжы”, “Сын імперыі, інфантыльны раман”, “Халодная вайна”, “Хлопчыкі Дзягілева”, “Дачка генеральнага сакратара”, “Славацкі консул” і іншых. Вырас у Мінску, у якасці паэта выступаў на беларускім радыё і тэлебачанні, яго літаратурны дэбют адбыўся ў часопісе “Нёман” яшчэ ў 1966 годзе.

Па словах С. Юр’енена, “сярэбраная куля – адзіны сродак супраць вампіраў, ваўкалакаў і іншых монстраў. Акрамя абароны, серабро – той метал, які асацыіруецца з чалавечай душой”.

Алена Брава – член Саюза пісьменнікаў Беларусі, жыве ў Барысаве. З першымі празаічнымі творамі дэбютавала ў часопісе “Маладосць”. Летась за кнігу “Імя Ценю – Святло”, якая выйшла ў выдавецтве “Літаратура і Мастацтва”, была адзначана Мінскай абласной прэміяй у галіне літаратуры ў намінацыі “Проза”. Яе аповесці “Каменданцкі час для ластавак” і “Дараванне” надрукаваны ў расійскім літаратурным часопісе “Сибирские огни”, за апошнюю з іх аўтар узнагароджана расійскай літаратурнай прэміяй імя Канстанціна Сіманава і залатым медалём. Дарэчы, аповесць “Дараванне”, якая перакладзена і на нямецкую мову, у бліжэйшы час павінна пабачыць свет асобнай кнігай.

Аўтар публікацыі: Мікола Берлеж.

Крыніца: газета “Звязда”

Навіны

Рэсурсы віртуальнай чытальнай залы НББ – для інклюзіўнай адукацыі

1 Сне 2020

1 снежня ў межах мерапрыемстваў віртуальнай чытальнай залы Нацыянальнай бібліятэкі Беларусі адбылася прэзентацыя ліцэнзійных электронных інфармацыйных рэсурсаў (ЭІР) і спецыяльных распрацовак для забеспячэння інфармацыйных патрэб людзей з паслабленым зрокам і невідушчых людзей.

Навіны Нацыянальнай бібліятэкі Беларусі

Чаму кнігі такой формы (не, усё не так проста)

1 Сне 2020

Прызнаемся шчыра: мы ў захапленні ад кніг. Але ці задумваліся вы хоць раз, чаму яны выглядаюць менавіта так? І кішэнныя кніжкі памерам з кляновы лісток, і велізарныя слоўнікі, якія вы ледзь утрымліваеце ў руках, амаль заўсёды маюць адну і тую ж форму – прамавугольнік, прычым амаль адных і тых жа прапорцый. Дык у чым справа? У сучасным друку ці ж у нас саміх? Пачынаем расследаванне!

Аўтарскі погляд

27 Ліс 2020

У Оршы – родным горадзе Уладзіміра Караткевіча – да 90-годдзя з дня яго нараджэння намалявалі мурал у гонар літаратара. Вялікі партрэт класіка ўпрыгожыў жылы дом на рагу вуліц Уладзіміра Караткевіча і Жан-Поля Марата.

Навіны бібліятэк

Мерапрыемства да 75-годдзя агульнай Перамогі ў Музеі гісторыі Вялікай Айчыннай вайны

30 Ліс 2020

27 лістапада ў рамках візіту расійскай дэлегацыі ў Музеі гісторыі Вялікай Айчыннай вайны адбылася дыскусія на тэму “Да 75-годдзя агульнай Перамогі. Роля расійскай і беларускай культуры ў захаванні гістарычнай памяці і процідзеянні фальсіфікацыі гісторыі”.

Навіны Нацыянальнай бібліятэкі Беларусі

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

111