ГалоўнаяНавіныНавіны бібліятэк
Плануецца маштабны конкурс для маладых літаратараў
Дарагія сябры!

Асіповіцкія краязнаўчыя чытанні

Асіповіцкія краязнаўчыя чытанні
Іншыя навіны

16 снежня супрацоўнікі Асіповіцкай цэнтральнай раённай бібліятэкі правялі пасяджэнне прэс-клуба ў фармаце ІІ Асіповіцкіх краязнаўчых чытанняў.


Сабраліся на маштабны форум вядомыя на Асіповіччыне краязнаўцы, педагогі, вучні з краязнаўчых гурткоў, проста аматары гісторыі роднага краю, каб прадставіць палітру краязнаўчых даследаванняў.

На краязнаўчыя чытанні даслана 11 лепшых матэрыялаў, якія адлюстроўваюць краязнаўчую дзейнасць у бібліятэках раёна. Удзельнікам чытанняў была дадзена магчымасць не толькі прэзентаваць уласны вопыт краязнаўчай дзейнасці, але і абмеркаваць такія найбольш актуальныя пытанні бібліятэчнага краязнаўства, як даследчая і пошукавая работа супрацоўнікаў бібліятэк і ўвекавечванне ў раёне памяці абаронцаў Айчыны, гісторыя Вялікай Айчыннай вайны ў дзейнасці бібліятэк. Калектыў цэнтральнай раённай бібліятэкі доўгі час вядзе мэтанакіраваную пошукавую работу пад дэвізам: “Імёны вайны. Дапоўнім кнігу «Памяць»”. Галоўнай задачай праекта было стварэнне дадатку да кнігі “Памяць: гісторыка-дакументальная хроніка Асіповіцкага раёна”, дзе сабраны звесткі пра 257 ураджэнцаў Асіповіцкага раёна і 330 воінаў Чырвонай Арміі, якія загінулі пры абароне і вызваленні раёна.

За сродкі Асіповіцкага раённага выканаўчага камітэта гэта кніга выйшла ў свет тыражом 200 экземпляраў. Кожная бібліятэка Асіповіцкага раёна атрымала новае выданне. Падчас краязнаўчых чытанняў была праведзена прэзентацыя кнігі.

У ходзе чытанняў абмяркоўваліся разнастайныя аспекты захавання гісторыка-культурнай спадчыны раёна, выдавецкай краязнаўчай дзейнасці, роля краязнаўства ў выхаванні моладзі. Прагучала нямала цікавых і карысных думак, а непасрэдныя творчыя кантакты будуць спрыяць далейшай актывізацыі краязнаўчай працы.

Падчас правядзення краязнаўчых чытанняў працавала рэкламна-прэзентацыйная пляцоўка “Я кніга аб вайне. Будзем знаёмы”. Удзельнікі пазнаёміліся з экспазіцыяй-праглядам літаратуры “70 год памяці і болю”, прагледзелі фільм ваенных часоў у “ваеннай кіназале”, зазірнулі на ваенна-палявую кухню і пакаштавалі салдацкай кашы, зваранай па рэцэптах армейскіх кухараў.

Фотавыстаўка “Кожная сям’я беражэ памяць аб вайне”, прадстаўленая на пляцоўцы, – гэта вынік акцыі, якая стартавала ў бібліятэках раёна і мела галоўнай задачай стварэнне архіва сямейных фотаздымкаў часоў вайны.

Франтавая агітбрыгада “Артысты – фронту” ўзорнага лялечнага тэатра “Ялінка” гарадской дзіцячай бібліятэкі дапамагла стварыць эмацыйны фон, дзякуючы якому мерапрыемства нікога не пакінула абыякавым.

Крыніца: Асіповіцкая бібліятэчная сетка

Навіны

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

Да 100-годдзя з дня нараджэння Раісы Пятроўны Сімаковай

18 Вер 2020

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Партрэты: гісторыя бібліятэкі ў асобах

17 верасня – 190 гадоў Гродзенскай абласной навуковай бібліятэцы імя Я.Ф. Карскага

17 Вер 2020

У верасні 1830 г. на адной з нарад у гродзенскага генерал-губернатара было прынята рашэнне аб заснаванні ў горадзе Гродна бібліятэкі, якая стала першай публічнай бібліятэкай на сучаснай тэрыторыі Беларусі.

Па старонках беларускага календара

111