У мэтах наступнага развіцця, папулярызацыі і падтрымкі нацыянальнай культуры і мастацтва Пастановай Савета Міністраў Рэспублікі Беларусь ад 12.03.2011 г. № 308 устаноўлена, што ў арганізацыях культуры могуць стварацца папячыцельскія саветы (далей – Саветы).
Дадзеным дакументам зацверджана Палажэнне аб папячыцельскім савеце арганізацыі культуры, якое ўстанаўлівае парадак яго стварэння і дзейнасці. У Палажэнні вызначана, што Савет садзейнічае папаўненню бібліятэчных фондаў, умацаванню матэрыяльна-тэхнічнай базы бібліятэк, прыцягненню пазабюджэтных і іншых дадатковых крыніц фінансавання, не забароненых заканадаўствам Рэспублікі Беларусь, і іншаму.
Членамі Савета могуць быць асобы, якія аказваюць бязвыплатную (спонсарскую) дапамогу, робяць ахвяраванні або ажыццяўляюць арганізацыйную і метадычную падтрымку бібліятэкам, а таксама выдатныя дзеячы культуры, літаратуры, мастацтва, прадстаўнікі сферы аховы здароўя, адукацыі, сацыяльнай абароны, навукі, сродкаў масавай інфармацыі, святары, іншыя прадстаўнікі грамадскасці і дзяржаўных органаў.
Рашэнне аб стварэнні (спыненні дзейнасці) Савета прымаецца кіраўніком бібліятэкі па ўзгадненні з заснавальнікам або дзяржаўным органам, у падначаленні якога знаходзіцца бібліятэка.
Поўны тэкст Пастановы Савета Міністраў Рэспублікі Беларусь ад 12.03.2011 г. № 308.