ДТК – цэнтр чытання Нацыянальнай бібліятэкі Рэспублікі Саха (Якуція) паведамляе пра прыём заявак на ўдзел у III Міжнародным конкурсе рэалізаваных выдавецкіх і візуальных творчых праектаў для дзяцей і падлеткаў «Белы свет Арктыкі праз прызму дзіцячай кнігі» з 1 сакавіка па 31 жніўня 2023 года.
Шмат якія пісьменнікі і вандроўнікі параўноўваюць Поўнач і Арктыку з белым аркушам паперы, на якім кожны можа напісаць сваю жыццёвую гісторыю ці ўявіць свой свет вечнай мерзлаты і лёду як ключавога сэнсу, які дыктуе стратэгію дзеянняў, зададзеную суворай прыродай. Кніга на Поўначы і ў Арктыцы – больш, чым проста мастацкі твор, яна вандруе разам з аленяводамі тундры і з'яўляецца незаменным сябрам у дзіцячых вандроўных школах, выступае жывым суразмоўцам у бязмежным белым бязмоўі, у прасторы, аддаленай на тысячы кіламетраў ад людзей.
Да ўдзелу ў Конкурсе адбіраюцца працы для дзяцей і падлеткаў (мастацкія, навукова-папулярныя выданні, экранізацыі, мультыплікацыйныя фільмы, тэатральныя пастаноўкі па мастацкіх творах, аўдыякнігі) на тэму Поўначы і Арктыкі, выдадзеныя не раней за 1 студзеня 2020 г. і не пазней за 31 жніўня 2023 г. Браць удзел у конкурсе могуць аўтары праектаў без абмежаванняў па ўзросце і геаграфічным палажэнні. Удзел у конкурсе бясплатны.
Пытанні пра ўдзел у конкурсе і заяўкі прымаюцца арганізатарамі па электроннай пошце arctic@nlrs.ru. Дэдлайн падачы заявак: 31 жніўня 2023 г.
З Палажэннем аб конкурсе можна азнаёміцца тут.
Па матэрыялах Нацыянальнай бібліятэкі Рэспублікі Саха (Якуція).
