Запрашаем усіх ахвотных правесці выходныя на фестывалі “Горад і кнігі”. Гэта фестываль, які аб'ядноўвае ўсіх кніжнікаў горада.
Усіх, хто нешта робіць на літаратурную тэму: клубы і гурткі, сустрэчы, хатнія тэатры са спектаклямі на кніжную тэму, незвычайныя літаратурныя гульні, літаратурныя экскурсіі па горадзе, паэтычныя вечарыны, цікавыя акцыі ў выдавецтвах і крамах, унікальныя бібліятэчныя паслугі…
Бо ў нашым горадзе адбываецца вельмі шмат цікавых падзей! Кожны дзень, у бібліятэках і антыкавярнях, у крамках і кавярнях, у клубах і нават проста на вуліцы. Які ён – кніжны Мінск? Хто робіць наш горад кніжным?
Усе зацікаўленыя ў развіцці кніжнай культуры ў горадзе, прыцягненні да чытання, выданні і папулярызацыі якаснай літаратуры, распаўсюдзе яе праз бібліятэкі і крамы, хто піша сам або ведае таго, хто выдатна піша, хто робіць нешта цікавае ці толькі хоча рабіць – далучайцеся!
Як і летась, пройдзе літаратурны конкурс “10 + 10”. Гэтым разам ён будзе прысвечаны вершам і ілюстрацыі.
У межах прэміі “Ліхтар” па прыкладзе многіх літаратурных фестываляў “Горад і кнігі” працягне называць найлепшыя дзіцячыя і падлеткавыя кнігі года.
Стэнд “Звычайныя кнігі пра незвычайных дзяцей” стане праектам, і запрашае да дыялогу ўсіх, хто не баіцца складаных тэм.
Стартуюць два новыя праекты: “ЛітАфіша” і “ЧыталQ & A”.
У межах першага збіраюцца ўсе літаратурныя мерапрыемствы горада, а ў межах другога школьнікам прапануюцца сустрэчы з пісьменнікамі, якія абавязкова стануць класікамі.
У межах фестывалю на стэндзе “Акадэмкнігі” пройдуць аўтограф-сесіі і сустрэчы з аўтарамі: Людмілай Рублеўскай, Міхаілам Валодзіным, Ганнай Севярынец, Алесем Карлюкевічам, Ганнай Янкута, Антонам Ламаевым, Аркадзем Курамшыным, Надзеяй Кандрусевіч, Марыяй Мартысевіч, Паўлам Гушынцом, Андрэем Жвалеўскім, Яўгеніяй Пастэрнак, Паўлам Касцюкевічам.
Фестываль пройдзе 19–20 красавіка ў Навуковай бібліятэцы БНТУ (вуліца Якуба Коласа, 16).
Праграма
Крыніца: Наша ніва