У Нацыянальнай бібліятэцы Беларусі прайшлі мерапрыемствы Міжнароднага саюза электрасувязі і Рэгіянальнай садружнасці ў галіне сувязі.
Мерапрыемствы ўключалі:
- пасяджэнне рэгіянальнага падрыхтоўчага сходу для краін СНД да Сусветнай канферэнцыі па развіцці электрасувязі (23–24 лістапада);
- 41-е пасяджэнне Савета кіраўнікоў адміністрацый сувязі РСС (25 лістапада);
- сустрэчу на вышэйшым узроўні “Злучым краіны СНД” (26 лістапада).
У мерапрыемствах прынялі ўдзел прэзідэнты Беларусі, Арменіі, Казахстана, Кыргызстана, Таджыкістана, прадстаўнікі кіраўніцтва рада краін СНД, Грузіі, а таксама Міжнароднага саюза электрасувязі, Еўрапейскай эканамічнай камісіі ААН, Сусветнага банка, кіраўнікі галіновых міністэрстваў і 62 кампаній і арганізацый з 27 краін.
Мэта мерапрыемстваў – садзеянне развіццю інфармацыйных тэхналогій у рэгіёне СНД, мабілізаванасць чалавечых, фінансавых, тэхнічных рэсурсаў для забеспячэння хуткага пераходу да стварэння рэгіянальнай лічбавай інфраструктуры і лічбавай сеткі паслуг, што заклікана стаць рухавіком эканамічнага росту і развіцця ў рэгіёне.
Для ўдзельнікаў мерапрыемстваў былі арганізаваны экскурсіі па Нацыянальнай бібліятэцы Беларусі, у ходзе якіх госці пазнаёміліся з яе інфармацыйнымі рэсурсамі, тэхнічным аснашчэннем архітэктурна-канструкцыйнымі асаблівасцямі будынка.