20 снежня ў дзіцячым пакоі Нацыянальнай бібліятэкі Беларусі будуць праведзены бясплатныя творчыя заняткі “Зімовы пейзаж”.
На занятках дзеці пазнаёмяцца з нетрадыцыйнай тэхнікай вырабу аплікацыі. Для стварэння кампазіцый ім спатрэбяцца каляровы кардон, клей, рыс, манныя крупы і макароны. Разнастайнасць мастацкіх сродкаў дазволіць хлопчыкам і дзяўчынкам паэксперыментаваць, дасць прастору для фантазіі, дапаможа рэалізаваць свае творчыя здольнасці. Дзеці таксама змогуць удасканаліць навыкі работы з клеем і навучацца размяшчаць выяву на лісце. Праца над аплікацыяй паспрыяе развіццю дробнай маторыкі рук, тактыльнаму ўспрыняццю.
У праграме прадугледжаны рухомыя гульні і прагляд мультфільма. Усе мастацкія матэрыялы рабятам будуць прадастаўлены.
Запрашаюцца дзеці 4–8 гадоў.
Час правядзення заняткаў: 12.00–13.30.