ГалоўнаяНавіныНавіны Нацыянальнай бібліятэкі Беларусі
Выдадзена персанальная энцыклапедыя “Францыск Скарына”
У Брэст хочуць вярнуць Біблію, надрукаваную 450 гадоў таму

Жывое Слова Божае – крыніца веры і духоўнага жыцця

Жывое Слова Божае – крыніца веры і духоўнага жыцця
Іншыя навіны

19 снежня ў бібліятэцы прайшла прэзентацыя рыма-каталіцкага выдання Новага Запавету на беларускай мове.


Першы поўны афіцыйны пераклад на сучасную і камунікатыўную беларускую мову кніг Новага Запавету падрыхтаваны Рыма-каталіцкім касцёлам у Беларусі з нагоды сёлетняга святкавання 500-годдзя першай беларускай друкаванай кнігі.

Грунтоўную працу па перакладзе біблійных тэкстаў здзейсніла Секцыя па перакладзе літургічных тэкстаў і афіцыйных дакументаў Касцёла Камісіі Божага культу і дысцыпліны сакрамэнтаў пры Канферэнцыі каталіцкіх біскупаў Беларусі. Падставай паслужылі самыя новыя крытычныя выданні Новага Запавету “Novum Testamentum Graece” (1993 і 2012 гг.), якія падаюць грэчаскія тэксты паводле найстаражытнейшых і найлепшых рукапісаў.

З прывітальным словам да ўдзельнікаў сустрэчы звярнуўся Мітрапаліт Мінска-Магілёўскі, старшыня Канферэнцыі каталіцкіх біскупаў Беларусі арцыбіскуп Тадэвуш Кандрусевіч, апостальскі нунцый у Беларусі арцыбіскуп Габар Пінтэр і епіскап Маладзечанскі і Стаўбцоўскі Павел.

Доктар біблійных навук Марына Пашук, адказная за выданне Новага Запавету, выступіла з дакладам “Беларускія пераклады Святога Пісання 1926–2017 гадоў”.

У межах прэзентацыі адбылася цырымонія ўзнагароджання ганаровымі граматамі сяброў Секцыі па перакладзе і прадстаўнікоў каталіцкага выдавецтва “Про Хрысто”, якія прычыніліся да выдання кнігі.

Напрыканцы мерапрыемства мітрапаліт Тадэвуш Кандрусевіч уручыў кнігі Новага Запавету высокапастаўленым гасцям. Экзэмпляр выдання быў падараваны і Нацыянальнай бібліятэцы.

Дырэктар Нацыянальнай бібліятэкі Беларусі Раман Матульскі выказаў шчырыя словы падзякі за каштоўны падарунак і перадаў арцыбіскупу Тадэвушу Кандрусевічу апошні том факсімільнага выдання “Кніжная спадчына Францыска Скарыны”, прэзентацыя якога прайшла ў верасні бягучага года ў бібліятэцы.

Пасля завяршэння ўрачыстай прэзентацыі для гасцей была арганізавана экскурсія па міжнароднай выстаўцы “Францыск Скарына і яго эпоха”, падчас якой яны азнаёміліся з поўным камплектам факсімільнага выдання “Кніжная спадчына Францыска Скарыны” і арыгіналамі беларускага першадрукара.

Навіны

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

Больш, чым пісьменнік: адкрылася выстаўка “Княства вобразаў і слоў” (+ відэа)

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

У бібліятэцы прайшло пасяджэнне калегій міністэрстваў культуры Беларусі і Расіі

27 Ліс 2020

26 лістапада ў Нацыянальнай бібліятэцы Беларусі адбылося сумеснае пасяджэнне калегій Міністэрства культуры Рэспублікі Беларусь і Міністэрства культуры Расійскай Федэрацыі.

Навіны Нацыянальнай бібліятэкі Беларусі

#BelBookChallenge 2020 – на старт!

27 Ліс 2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 лютага ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Навіны Нацыянальнай бібліятэкі Беларусі

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

25 Ліс 2020

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

Навіны Нацыянальнай бібліятэкі Беларусі

111