8 лютага ў дзіцячым пакоі займальна і пазнавальна прайшлі заняткі “Мультчытайка” паводле казкі Усевалада Гаршына “Лягушка-путешественница”.
Маленькія ўдзельнікі мерапрыемства даведаліся з кнігі і ўбачылі ў мультфільме незвычайны спосаб падарожжа, прыдуманы вынаходлівай жабкай-квакушкай.
Дзякуючы жыццярадаснай і аптымістычнай гераіні казкі яны навучыліся марыць, знаходзіць выйсце з любой сітуацыі і настойліва ісці да сваёй мэты.
Дзеці дружна ўспомнілі прыказкі і прымаўкі, даведаліся, чаму жабы не квакаюць восенню і ў якім горадзе ўсталяваны помнік жабцы-падарожніцы, яны з імпэтам спаборнічалі ў гульні-эстафеце “Ква-Ква”, а потым кожны стварыў у тэхніцы арыгамі сваю непаўторную жабку-падарожніцу.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял прадастаўлены аддзелам запісу і інфармавання карыстальнікаў.
