18 кастрычніка ў бібліятэцы адбылася ўрачыстая цырымонія ўзнагароджання пераможцаў конкурсу.
З прывітальным словам на цырымоніі ўзнагароджання выступілі дырэктар Нацыянальнай бібліятэкі Беларусі Раман Матульскі, намеснік старшыні праўлення ТАА “АСБ Беларусбанк” Уладзімір Занько, дырэктар Рэспубліканскага тэатра беларускай драматургіі Уладзімір Карачэўскі.
Трыццаць два драматычныя творы з розных гарадоў Беларусі, а таксама Расіі, Украіны і Польшчы былі прадстаўлены для ўдзелу ў конкурсе па стварэнні твораў для драматычнага тэатра “Францыск Скарына і сучаснасць”. Пераможцам удалося найбольш поўна прадставіць і ўсебакова раскрыць вобраз Скарыны як мысліцеля, вучонага, гуманіста-асветніка, чалавека.
Фіналістамі конкурсу сталі сем п’ес, сярод якіх два твора паступілі з горада Полацка, адзін – з Брэста і чатыры – з Мінска. Кампетэнтнае журы на чале з мастацкім кіраўніком РТБД Аляксандрам Гарцуевым вызначыла пераможцаў у трох намінацыях: “Гістарычная п’еса”, “Сучасная п’еса” і “Сцэнічная ідэя”. На цырымоніі ўзнагароджання ў кожнай намінацыі аб’явілі ўладальнікаў асноўнай і дзвюх заахвочвальных прэмій.
Уладальнікамі асноўных прэмій сталі:
у намінацыі “Гістарычная п’еса” − Цімафей Ільеўскі (“Францыск. Прыпавесць”, г. Брэст);
у намінацыі “Сучасная п’еса” − Мікалай Рудкоўскі (“Доктор свободных наук”, г. Мінск);
у намінацыі “Сцэнічная ідэя” − Сяргей Кавалёў (“Юдзіф”, г. Минск).
Дыпломамі I ступені былі ўзнагароджаны:
у намінацыі “Гістарычная п’еса” − Сяргей Шыдлоўскі і Ірына Андрэева (“Вiры своя”, г. Полацк),
а таксама Туруноўскі Міхаіл (“Я прынёс вам слова!”, г. Брэст);
у намінацыі “Сучасная п’еса” − Віктар Марціновіч (“Карьера доктора Рауса”, г. Мінск).
Дыплом II ступені ў намінацыі “Сучасная п’еса” ўручылі Алене Іванюшэнцы (“Скорина. Бета-версия”, г. Мінск).
Лепшыя конкурсныя работы будуць надрукаваны ў зборніку, а п’есы-пераможцы плануецца прадставіць не толькі ў беларускіх тэатрах, але і на замежных сцэнах гарадоў, дзе калісьці жыў і працаваў Францыск Скарына.
Арганізатарамі конкурсу з’яўляюцца Рэспубліканскі тэатр беларускай драматургіі, Нацыянальная бібліятэка Беларусі і Беларусбанк.
|
|
|
|
 |
 |
 |
 |
 |
 |
