12 мая запрашаем дзяцей 5–8 гадоў і іх бацькоў у музей кнігі на заняткі па тэме “Рукапісная кніга”.
У старажытныя часы кніга была зусім не падобная да сучаснай. На занятках хлопчыкі і дзяўчынкі даведаюцца пра асноўныя формы кнігі, а таксама пра матэрыялы, якія даўней выкарыстоўваліся для пісьма.
Ці цяжкая праца рукапісца? Як доўга стваралася кніга, напісаная ад рукі? Чым пісалі ў даўніну?
На гэтыя і іншыя пытанні дапытлівыя наведвальнікі атрымаюць адказы.
Юныя майстры створаць сваё ўнікальнае пяро і ператворацца ў рукапісцаў.
Заняткі праводзяцца ў даступнай і займальнай форме. Разнастайнасць кніжнай культуры пазнаецца праз дыялог, гульні і творчасць.
Пачатак заняткаў а 18-й гадзіне.
Працягласць – 60 хвілін.
Кошт заняткаў з матэрыялам для творчага задання – 2.93 (два рублі дзевяноста тры капейкі).
Чакаем усіх у музеі кнігі Нацыянальнай бібліятэкі Беларусі! Будзьма святкаваць значны юбілей – 500-годдзе беларускага кнігадрукавання – разам!
Кантактныя тэлефоны: (8 017) 293 27 82, (8 025) 994 21 12.