ГалоўнаяНавіныНавіны Нацыянальнай бібліятэкі Беларусі
Пра віртуальны праект “Падпольны і партызанскі друк Беларусі” – у эфіры тэлеканала “Беларусь 24”
Да 95-годдзя з дня нараджэння Валянціны Усцінаўны Баханьковай

Запрашаем да ўдзелу ў ХVІ Міжнародных кнігазнаўчых чытаннях

Запрашаем да ўдзелу ў ХVІ Міжнародных кнігазнаўчых чытаннях
Іншыя навіны

Сёння адбудуцца ХVІ Міжнародныя кнігазнаўчыя чытанні, прымеркаваныя да 500-годдзя заснавання Жыровіцкага манастыра і бібліятэкі! Што і як? Расказваем!

Якія пытанні будуць агучаны?

  • Кніжная культура Жыровіцкага манастыра
  • Рукапісная кніжнасць
  • Гістарычныя кніжныя калекцыі
  • Друкаваная кніга XVI–XVIІІ стст.
  • Беларуская кніга ХIХ–ХХ стст. 
  • Кніга ў сучасным сацыякультурным асяроддзі

У якім фармаце пройдзе канферэнцыя?

Сёлета чытанні адбудуцца ў анлайн-фармаце з відэатрансляцыяй у рэжыме рэальнага часу і магчымасцю камунікацыі праз пытанні да дакладчыкаў.

Калі адбудзецца?

Пачатак трансляцыі 15 мая 2020 г. а 11-й гадзіне. Працягласць каля 4 гадзін. Пасля завяршэння трансляцыі відэазапіс канферэнцыі будзе даступным, але ўжо без магчымасці задаць пытанні выступоўцам.

Дзе можна глядзець канферэнцыю?

Трансляцыя і абмеркаванне будуць адбывацца ў суполцы “Жыровічы” ў Фэйсбуку.

Дзе пабачыць праграму?

З праграмай можна пазнаёміцца тут.

Хто будзе выступаць?

Тэматыка прыцягнула цікавасць шматлікіх навукоўцаў з Беларусі, Літвы, Польшчы, Расіі, Украіны і Францыі – кнігазнаўцаў, філолагаў, гісторыкаў, культуролагаў, мастацтвазнаўцаў, філосафаў, рэлігіязнаўцаў, тэолагаў, супрацоўнікаў бібліятэк, архіваў, музеяў, навуковых і навучальных устаноў, краязнаўцаў.

Якія будуць формы выступленняў?

  • са “студыі” ў Нацыянальнай бібліятэцы – з прэзентацыяй ці без, але перад камерай;
  • выступленне ў відэафармаце з асабістага адрасу (з працы ці хатняга адрасу);
  • дэманстрацыя прэзентацыі з аўтарскімі гукавымі каментарамі.

Як задаць пытанні да выступоўцаў і выказаць меркаванне?

Гэта можна будзе зрабіць у рэжыме рэальнага часу некалькімі спосабамі:

  • як каментары да трансляцыі ў суполцы “Жыровічы” ў Фэйсбуку;
  • на Вайбер (+375 29) 313 98 90 (Алесь);
  • смс ці праз тэлефонны званок на нумар (+375 44) 579 39 07 (Таццяна).

Ці будзе публікацыя зборніка матэрыялаў?

Так. Зборнік матэрыялаў падрыхтаваны на падставе прадстаўленых аргкамітэту тэкстаў выступленняў і ўключае каля 60 артыкулаў.

Да анлайн-сустрэчы!

Матэрыял прадастаўлены навукова-даследчым аддзелам кнігазнаўства.

Навіны

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Садовае чараўніцтва: як Сесіль Мэры Баркер і кветкавыя феі змянілі кніжную ілюстрацыю

23 Ліп 2021

Вы калі-небудзь звярталі ўвагу, якія добрыя ілюстрацыі ў дзіцячых кнігах? Яны лёгкія, пяшчотныя, прыемныя воку і сэрцу – адно задавальненне... Праўда, мы зусім не ўспрымаем іх усур'ёз. У рэшце рэшт, гэта ж для дзяцей, а значыць, там шмат спрашчэнняў, умоўнасцей і зусім ніякай сур'ёзнасці, так? А вось і не. Кніжная ілюстрацыя можа быць сур'ёзнай, дакладнай і нават цалкам навуковай – не губляючы пры гэтым свайго чараўніцтва. Сёння мы пагаворым пра Сесіль Мэры Баркер, сапраўдную каралеву кветкавых фей, і пра батанічную ілюстрацыю.

Аўтарскі погляд

23 Ліп 2021

Пра бібліяаптэку мы яшчэ пагаворым. А зараз – пра рэчы не менш важныя. Свой першы твор Янка Купала напісаў па-польску, Якуб Колас – па-руску. Але кожны вярнуўся да родных вытокаў. Рашуча і канчаткова. Так бусел вяртаецца з выраю менавіта ў сваю буслянку…

Навіны бібліятэк

22 Ліп 2021

Унучка і праўнучка пісьменніка падрыхтавалі кнігу «Ясная зорка Якуба Коласа», што выходзіць у выдавецтве «Мастацкая літаратура». Яе гераіня – Марыя Дзмітраўна Міцкевіч, жонка класіка беларускай літаратуры.

Навіны бібліятэк

Бібліятэкарам