ГалоўнаяНавіныНавіны Нацыянальнай бібліятэкі Беларусі
Гісторыя беларускай кнігі за тры хвіліны ад Саюза беларускіх пісьменнікаў
Бібліятэка – асяродак нацыянальнай культуры

Запіс у “Клуб кніжных прафесараў”

Запіс у “Клуб кніжных прафесараў”
Іншыя навіны

У бібліятэцы стартаваў запіс у “Клуб кніжных прафесараў”. Музейныя заняткі разлічаны на дзяцей 5–14 гадоў. 

“Чым ты ўчора займаўся? Ці быў у Нацыянальнай бібліятэцы? Ці бачыў кнігі, якім 500 гадоў? І ты сябра клуба? Класна!”

Серыя “Клуб кніжных прафесараў” – суцэльны курс заняткаў, які прадугледжвае сустрэчы ў музеі кнігі адзін раз на месяц.

На занятках, якія праходзяць у даступнай і займальнай форме, дзеці здзейсняць падарожжа ў гісторыю кнігі, атрымаюць новыя веды пра багацце і разнастайнасць беларускай кніжнай культуры.

Заняткі ўключаюць інтэрактыўныя экскурсіі, майстар-класы, творчыя заданні і гульні. Юныя "прафесары" стануць не толькі гледачамі, якія пазіраюць на прадметы ў вітрынах, але і актыўнымі ўдзельнікамі працэсу пазнання кнігі. Атрыманню ведаў спрыяюць незвычайная музейная атмасфера, сяброўскія ўзаемаадносіны, дзе кожнае дзіця можа свабодна праявіць сябе, але ў той жа час усе захоплены агульнай справай.

Асноўныя тэмы заняткаў:

  • Бібліятэка – дом, дзе жывуць кнігі
  • Узнікненне і развіццё пісьма
  • Формы і матэрыялы кнігі
  • Рукапісная кніга
  • Папяровыя цуды
  • Кніга ператварэнняў
  • Ёган Гутэнберг
  • Францыск Скарына
  • Біблія Францыска Скарыны

Групы фарміруюцца ў залежнасці ад ўзросту ўдзельнікаў.

Запіс і кантактная інфармацыя:
Таццяна Андрэеўна Сапега,
тэлефоны: (8 017) 293 27 82, (8 044) 579 39 07,
e-mail: sapega@nlb.by
https://www.facebook.com/taciankasapieha

Матэрыял прадастаўлены навукова-даследчым аддзелам кнігазнаўства.

Навіны

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

Да 100-годдзя з дня нараджэння Раісы Пятроўны Сімаковай

18 Вер 2020

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Партрэты: гісторыя бібліятэкі ў асобах

17 верасня – 190 гадоў Гродзенскай абласной навуковай бібліятэцы імя Я.Ф. Карскага

17 Вер 2020

У верасні 1830 г. на адной з нарад у гродзенскага генерал-губернатара было прынята рашэнне аб заснаванні ў горадзе Гродна бібліятэкі, якая стала першай публічнай бібліятэкай на сучаснай тэрыторыі Беларусі.

Па старонках беларускага календара

111