11 кастрычніка для вучняў 3 “А” класа гімназіі № 29 г. Мінска былі арганізаваны заняткі на выстаўцы “Францыск Скарына і яго эпоха”.
Унікальнасць заняткаў заключаецца ў магчымасці вывучэння нацыянальнай кніжнай спадчыны з дапамогай багатага збору кніжных помнікаў, прадстаўленых на выстаўцы. Экспазіцыя адлюстроўвае значнасць спадчыны Францыска Скарыны, яго папярэднікаў і паслядоўнікаў як у нацыянальным, так і ў еўрапейскім маштабе.
Юныя наведвальнікі пазнаёміліся з “доўгажыхарамі” кніжнай культуры, якія перасягнулі 500-гадовую мяжу. Асаблівая ўвага была нададзена кніжнай спадчыне беларускага першадрукара.
Напрыканцы заняткаў дзеці аформілі і падпісалі паштоўкі сваім бацькам і такім чынам павіншавалі іх з 500-годдзем беларускага кнігадрукавання. Кожны ўдзельнік праявіў сваю фантазію і майстэрства, зрабіўшы ўласную паштоўку на памяць.
Запрашаем школьнікаў на тэматычныя заняткі ў рамках міжнароднай выстаўкі “Францыск Скарына і яго эпоха”.
Кантактная інфармацыя:
Таццяна Андрэеўна Сапега, каардынатар праграмы,
тэлефоны: (8 017) 293 27 82, (8 025) 994 21 12.
 |
 |
 |
 |
 |
 |
 |
 |
 |
