2 лістапада а 15-й гадзіне ў галерэі “Лабірынт” адбудзецца аўтарскі вечар расійскага вучонага і паэта Анатоля Яжова “З любоўю да беларускай зямлі”.
Мерапрыемства пройдзе напярэдадні Дня народнага адзінства Расіі.
Анатоль Мікалаевіч Яжоў – прэзідэнт Інстытута кіравання (г. Архангельск), член Саюза пісьменнікаў, Саюза журналістаў Расіі і Міжнароднай федэрацыі журналістаў, доктар эканамічных навук, прафесар.
Ён з’яўляецца аўтарам звыш 400 работ, апублікаваных у 17 дзяржавах, у тым ліку звыш 70 кніг. Акрамя работ па эканоміцы, юрыспрудэнцыі, педагогіцы, філасофіі, палітыцы, ім створаны мастацкія творы “Зовут тебя мечта”, “Дальние дали”, “Дорога к храму”, зборнікі вершаў, напісаных у рэдкім і складаным жанры рубаі, – “Черный лотос”, “Синяя роза”, “Китайский дракон”, “Я – с планеты Юпитер”.
Сустрэча завершыцца падпісаннем дамовы аб супрацоўніцтве паміж Нацыянальнай бібліятэкай Беларусі і Інстытутам кіравання. Вучоны і паэт перадасць у дар Нацыянальнай бібліятэцы свае кнігі.
Кантактныя тэлефоны: (8 017) 293 28 23, 293 27 67, 293 27 56.
E-mail: pr@nlb.by
