23 студзеня ў галерэі “Лабірынт” Нацыянальнай бібліятэкі Беларусі адбылося ўрачыстае адкрыццё ХХ Юбілейнай гімназічнай навукова-практычнай канферэнцыі.
Мерапрыемства арганізавана дзяржаўнай установай адукацыі “Гімназія № 1 імя Ф. Скарыны г. Мінска”.
Навукова-практычныя канферэнцыі на базе Гімназіі № 1 праходзяць з 1990 года. У іх актыўны ўдзел прымаюць навучэнцы сталічных школ і гімназій. У рамках сёлетняй канферэнцыі было праведзена шэсць секцый па прадметах гуманітарнага цыклу. У склад кампетэнтнага журы ўвайшлі прафесары, дактары навук вядучых ВНУ г. Мінска.
У адкрыцці мерапрыемства прынялі ўдзел прадстаўнікі Мінскага гарадскога інстытута адукацыі, упраўлення адукацыі адміністрацыі Ленінскага раёна. З уступным словам выступілі дырэктар Гімназіі № 1 імя Ф. Скарыны Н.У. Бушная, начальнік сацыякультурнага цэнтра Нацыянальнай бібліятэкі Беларусі С.І. Шарамецьеў, выкладчык Беларускага дзяржаўнага універсітэта, доктар філалагічных навук, прафесар Б.Ю. Норман.
Для ўдзельнікаў канферэнцыі была праведзена экскурсія па музеі кнігі, дзе ўвазе гасцей была прадстаўлена калекцыя рарытэтных выданняў з фондаў Нацыянальнай бібліятэкі Беларусі.