Архітэктура Нацыянальнай бібліятэкі Беларусі перавярнула ўяўленні аб тым, як павінна выглядаць галоўнае кнігасховішча краіны. Форма ромбакубаактаэдра, вынайдзеная Леанарда да Вінчы, складаная і адначасова эфектная, таму не дзіўна, што “алмаз ведаў” увайшоў у рэйтынг 100 архітэктурных шэдэўраў свету.
У бібліятэцы захоўваецца больш за 10 млн дакументаў. Для скарбаў фонду ствараецца асаблівы мікраклімат, а для наведвальнікаў – камфортныя ўмовы. Пры гэтым велізарны механізм працуе зладжана і бясшумна, таму нішто не перашкаджае нашым чытачам апускацца з галавой у свет ведаў.
Пра тое, як стваралася галоўная бібліятэка краіны, у інтэрв’ю для тэлеканала АНТ распавёў адзін з архітэктараў будынка Віктар Крамарэнка.
Убачыць тэхнічны бок бібліятэкі, утоены ад вачэй чытачоў, можна ў праграме “Наше утро”.
Матэрыял пададзены аддзелам сувязей з грамадскасцю.
